„ერთიანმა ნაციონალურმა მოძრაობან“ არჩილ ტატუნაშვილთან დაკავშირებული რეზოლუციის კენჭისყრაში მონაწილეობა არ მიიღო.

როგორც პარტიის ერთ-ერთმა ლიდერმა რომან გოცირიძემ განაცხადა, მმართველმა გუნდმა მათი სამი შენიშვნიდან, ორი არ გაითვალისწინა.

რაც შეეხება „ოთხოზორია-ტატუნაშვილის სიას“, გოცირიძემ მას „მკვდრად შობილი“ უწოდა.

„ჩვენ მოვისმინეთ დასკვნითი სიტყვა იმის თაობაზე, რომ ყველა შენიშვნა იქნა გათვალისწინებული და ამ რეზოლუციას ერთსულოვნად ეყრება პარლამენტში კენჭი. სამწუხაროდ, ამ განცხადებით, შეიძლება ჩვენი მოსახლეობა შეცდომაში შევიყვანოთ. ჩვენს მიერ დასახელებული იყო სამი შენიშვნა. ამ სამი შენიშვნიდან ორი არ იქნა გათვალისწინებული. პირველი ის, რომ სია ფაქტობრივად არის მკვდრად შობილი და რეალურად მასში შეიძლება მხოლოდ იმ ადამიანების შეყვანა, რომელიც არის მსჯავრდებული, ანუ ციხეში ზის. ამ ადამიანს რაში ჭირდება ვიზები და ბრალდებული, რომელთა მიმართ არის აღძრული სისხლის სამართლის საქმე. ჩვენ ძალიან ვზღუდავთ სიაში მოხვედრის კატეგორიას. ფაქტობრივად, ეს სია იქნება უმოქმედო და მას არავითარი ეფექტი არ ექნება. მეორე შენიშვნა მდგომარეობდა იმაში, რომ დაეწყო საქართველოს მთავრობას მუშაობა ევროკავშირთან და ამერიკის შეერთებულ შტატებთან რუსეთის წინააღმდეგ სანქციების გამოყენების თაობაზე ხელშეკრულების დარღვევის გამო, ისევე როგორც მინსკი ორის დარღვევის გამო უკრაინის ამბებთან დაკავშირებით დაწესდა სანქციები. ამის შესახებაც არავის არავითარი საუბარი არ ჰქონია. ჩვენ გადაწყვეტილებას მივიღებდით იმ შემთხვევაში, თუ ჩვენი შენიშვნები იქნებოდა გათვალისწინებული. გამომდინარე აქედან და გამომდინარე რეზოლუციის სულისკვეთებიდან, ჩვენ არ გვინდა რომ მივცეთ წინააღმდეგ ხმა, მაგრამ არც იმის თქმა შეგვიძლია, რომ ამ რეზოლუციას დავუჭერთ მხარს. ამიტომ ჩვენი პოზიცია იქნება, რომ ვიკავებთ თავს და არ ვიღებთ მონაწილეობას კენჭისყრაში“, - განაცხადა რომან გოცირიძემ.

პარლამენტში დღეს რუსეთის ფედერაციის მიერ ოკუპირებულ აფხაზეთსა და ცხინვალის რეგიონში ადამიანის უფლებების უხეში დარღვევისა და “ოთხოზორია-ტატუნაშვილის სიის“ შესახებ რეზოლუციის პროექტს კენჭი უყარეს. დოკუმენტს მხარი 106-მა დეპუტატმა დაუჭირა.

ავტორი: ,

სოციალური ქსელები

ბოჭორიშვილი: ნაურუს მიერ მიღებული გადაწყვეტილება აფხაზეთისა და სამხრეთ ოსეთთან დიპლომატიური ურთიერთობების გაწყვეტის შესახებ, საქართველოს არაღიარების პოლიტიკის მნიშვნელოვანი გამარჯვებაა

საქართველოს ბანკის ფინანსური განათლების ეკოსისტემა - ინიციატივა, რომელიც ფინანსურ განათლებას ყველა თაობისთვის ხელმისაწვდომს ხდის

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ