საქართველოს საგარეო საქმეთა მინისტრის მიხეილ ჯანელიძის განცხადებით, საქართველოს მიზანია იყოს ლიდერი, არამხოლოდ „აღმოსავლეთ პარტნიორობის" ფორმატში, არამედ ევროკავშირში გაწევრიანების მსურველ ქვეყნებს შორისაც კი. ამის შესახებ საგარეო უწყების ხელმძღვანელმა პარლამენტში სამი კომიტეტის გაერთიანებულ სხდომაზე სიტყვით გამოსვლისას განაცხადა.

მისი თქმით, არასდროს საქართველოს არ ჰქონია ევროკავშირის მხრიდან ამხელა ნდობა და მხარდაჭერა „არასდროს საქართველოს არ ჰქონია ამხელა ნდობა და  საქართველოს მთავრობას ამხელა მხარდაჭერა, როგორიც აქვს დღეს მისი ევროპული დღის წესრიგიდან გამოდინარე".

საგარეო უწყების ხელმძღვანელის მოსაზრებით მნიშვნელოვანია, რომ ევროკავშირმა შეცვალა რამდენიმე წლის წინ გაჟღერებული სტრატეგია და ღიად განაცხადა ბალკანეთის მიმართულებით გაფართოებაზე, რაც მნიშვნელოვანი გზავნილია საქართველოსთვისაც. 

„რა თქმა უნდა, ევროკავშირი არის თავისი პოლიტიკის ფარგლებში დღეს შეზღუდული, რომ  ისაუბროს გაფართოების საკითხებზე და კონკრეტულად, აღმოსავლეთ პარტნიორობის  მიმართულებით გაფართოების საკითხზე, მაგრამ ჩვენ მივესალმებით, რომ ევროკავშირმა შეცვალა რამდენიმე წლის გაჟღერებული პოლიტიკა, ზოგადად, გაფართოებასთან მიმართებით და დღეს უკვე აქვს სტრატეგია და ევროკავშირის ხედვა არის  ბალკანეთის მიმართულებით გაფართოება. ეს არის ძალიან პოზიტიური და მნიშვნელოვანი,  და სამომავლოდ  წარმოადგენს ჩვენთვისაც დიდ იმედს. ჩვენი მიზანია, რომ საქართველო იყოს ლიდერი, არა მხოლოდ აღმოსავლეთ პარტნიორობის ფარგლებში, არამედ  ევროკავშირთან გაწევრიანების მსურველ ქვეყნებთან მიმართებაშიც", - განაცხადა ჯანელიძემ. 

მისი თქმით საგარეო საქმეთა სამინისტრო აქტიურად მუშაობს დოკუმენტზე „საგზაო რუკა ევროკავშირისკენ", რომლის მიზანია „ევროინტეგრაციის გზაზე იმაზე მეტის გაკეთება ვიდრე ამას ასოცირების შეთანხმება მოითხოვს,  როგორც საკანონმდებლო, ასევე ინსტიტუციური დაახლოების კუთხით, მეტ პრაქტიკულ დაახლოებას და ინტეგრაციას ევროკავშირთან".  მისი თქმით ევროკავშირთან სექტორული დაახლოების დიდი რესურსი არსებობს და ამაზე ევროკავშირთან მიმდინარეობს აქტიური მუშაობა.

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა