დოდო გუგეგშაშვილის შვილი გრიგოლ (ნოდო) გუგეშაშვილი საბურთალოს ძმათა სასაფლაოზე დაკრძალეს.

დოდო გუგეშაშვილი შვილის დაკრძალვაზე ღუდუშაურის კლინიკიდან რეანომობილით მიიყვანეს. მას მედიასთან კომენტარი არ გაუკეთებია, მხოლოდ  დაკრძალვაზე მყოფ თამაზ  მაჩალიკაშვილის ოჯახთან დაკავშირებით ისაუბრა:

„ამისი შვილი ჩემი ძმისშვილი იყო. ჩვენ საუკუნეა ძმები ვართ. მე მართლმადიდებელი ქრისიტიანი ვარ, ჩემი ძმა ახლა არის მუსულმანი. ჩვენ ძმები ვართ იმიტომ, რომ ორთავე ამ ქვეყნის შვილები ვართ. მალხაზი სულით, გულით, სისხლით, ხორცით არის საქართველოს პატრიოტი. ეს კაცი ჩემი ძმა არის და ჩემი ჭირისუფალია ისევე, როგორც მე მისი და მისი ოჯახის ჭირისუფალი ვარ. ამ ყველაფერს იმიტომ ვამბობ, რომ რაღაც კუდების გამობმა მოინდომეს, როცა ხედავდნენ, რომ დღე და ღამ სავადმყოფოში ვიყავი თემირლანის უბედურების დროს. იცოდეთ, რომ ეს კაცი ძალიან მაგარი ქართველია. კბილებით ეჭირა ამას და პანკისის ხეობას საქართველოს ის ნაწილი და დაიჭერენ ხვალაც და ზეგაც. მტერს იქედან არ შემოახედებენ საქართველოსკენ“,-განაცხადა დოდო გუგეშაშვილმა.

შეგახსენებთ, დიღმის მასივში, გუგეშაშვილების ოჯახზე თავდასხმა  7 თებერვალს მოხდა. შედეგად მოკლულია  ნოდარ გუგეშაშვილი, ხოლო დოდო გუგეშაშვილი მძიმედ დაიჭრა. დამნაშავე ამ დრომდე დაკავებული არ არის.

გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 108-ე და 19-109-ე მუხლებით მიმდინარეობს.

ავტორი: ,

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი