#35-ე სკოლის დირექტორი: ბავშვებს ვიღაც გაურკეველი პირები დახვდნენ

2018-02-01 13:45:20, 1922 ნახვა

კომენტარი

თბილისის #35-ე საჯარო სკოლის დირექტორის მიხეილ ჩიკვილაძის განცხადებით, მოზარდებს თავს მაშინ დაესხნენ, როდესაც ერთ-ერთი რეპეტიტორთან მიდიოდა.

როგორც დირექტორმა აღნიშნა, შემთხვევის შესახებ მან ტელევიზიიდან შეიტყო. მისივე ინფორმაციით, სკოლის სათვალთვალო კამერები გამოძიებას ჯერ არ მოუთხოვია. ამასთან ჩიკვილაძემ დასძინა, რომ დაპირისპირება სკოლის ტერიტორიაზე არ მომხდარა.

"9-ის წუთებზე გავიგე, რომ ასეთი შემთხვევა მოხდა. სამწუხაროა, რომ ასეთი ფაქტი მოხდა, თუმცა გადარჩენილები ვართ, იმიტომ, რომ არ იყო მძიმე შემთხვევა. სადღაც ყაზბეგის გამზირზე, როგორც მშობლებმა ამიხსნეს - შემთხვა მოხდა წითელი ბაღის ტერიტორიაზე. ბავშვები მოდიოდნენ, ერთ-ერთი რეპეტიტორთან მიდიოდა და იქ დახვდნენ ვიღაც გაურკვეველი პირები", - განაცხადა

შეგახსენებთ, რესპუბლიკურ საავადმყოფოში ორი დაჭრილი მოზარდი გუშინ შეიყვანეს. ისინი 35-ე საჯარო სკოლის მოსწავლეები არიან. შინაგან საქმეთა სამინისტრომ მომხდარზე გამოძიება სსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები