შინაგან საქმეთა მინისტრი გიორგი გახარია კლუბ "ბასიანთან" სამართალდამცველის დაჭრის ფაქტს გამოეხმაურა.

როგორც გახარიამ "იმედის" ეთერში განაცხადა, იქ სადაც საქმე ეხება პოლიციელის უსაფრთხოებას და ღირსებას, უწყება უკომპრომისო იქნება.

"ეს არ არის უწყებრივი სოლიდარობის საკითხი, ეს არის საკითხი უფრო ბევრად მნიშვნელოვანი, იმიტომ, რომ საზოგადოებაში, რომელშიც პოლიციელი არის დაუცველი, საზოგადოების უსაფრთხოების გარანტიას ვერავინ ვერ მოგცემთ. სწორედ ამიტომ, იქ სადაც პოლიციელის უსაფრთხოებას ეხება საქმე, ვიქნებით უკომპრომისოები, ისევე როგორც უკომპრომისოები ვიქნებით მაშინაც, როდესაც პოლიციელის მიერ უფლებამოსილების გადამეტებას ექნება ადგილი. სხვანაირად ჩვენ ვერ ვხედავთ პერსპექტივას შინაგან საქმეთა სამინისტროს როგორც უწყების რეფორმირების და ამ რეფორმერების პროცესში ასევე ვიქნებით მაქსიმალურად ორიენტირებულები შედეგზე", - განაცხადა გიორგი გახარიამ.

კითხვაზე - როგორ აფასებს ის სასამართლოს გადაწყვეტილებას, პოლიციელზე თავდამსხმელის გირაოს სანაცვლოდ გათავისუფლების საკითხს, შს მინისტრმა აღნიშნა, რომ სასამართლო თავის გადაწყვეტილებებში დამოუკიდებელია.

"ეს არის სასამართლოს კომპეტენცია. ჩვენს ქვეყანაში სასამართლო არის თავისუფალი და დამოუკიდებელი მის გადაწყვეტილებებში. ისევე როგორც მეორე მხარეს ჰქონდა უფლებამოსილება და მათ გაასაჩივრეს ეს გადაწყვეტილება. ასე, რომ დაველოდოთ პროცესებს", - აღნიშნა მან.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს