„თქვენი სიყვარული რომ არ ყოფილიყო, მე ვერ ავიტანდი ამ სიმძიმეს“, - ასე მიმართა საქართველოს კათოლიკოს პატრიარქმა ილია მეორემ საპატრიარქოში მისი 85 წლის იუბილესადმი მიძღვნილ ღონისძიებაზე შეკრებილ საზოგადოებას.

„მე მინდა მადლობა მოგახსენოთ იმ თანადგომისათვის, რაც თქვენ გამოიჩინეთ ამ ორმოცი წლის მანძილზე. მე ვერ შევძლებდი ამ მძიმე ტვირთის ზიდვას თქვენი დახმარება რომ არ ყოფილიყო. კიდევ ერთხელ მადლობას გიძღვნით თქვენი სიყვარულისათვის. თქვენი სიყვარული რომ არ ყოფილიყო მე ვერ ავიტანდი ამ სიმძიმეს. ღმერთმა დაგლოცოთ“, - განაცხადა პატრიარქმა.

ცნობისთვის, საპატრიარქოში დღეს პატრიარქის 85 წლის იუბილესადმი მიძღვნილი ღონისძიება გაიმართა. სხვებთან ერთად ღონისძიებაზე პატრიარქს დაბადების დღე საქართველოს პრეზიდენტმა გიორგი მარგველაშვილმა, პრემიერ-მინისტრმა გიორგი კვირიკაშვილმა, პარლამენტის თავმჯდომარე ირაკლი კობახიძემ და აჭარის მთავრობის თავმჯდომარე ზურაბ პატარაძემ მიულოცეს.

დღესვე, საპატრიარქოში პრეზიდენტის სარეზერვო ფონდის თანადაფინანსებით, ხელნაწერთა ეროვნული ცენტრის მიერ გამოცემული „ბიბლიის“ პრეზენტაცია შედგა.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს