საქართველოს ყოფილი პრეზიდენტის, მიხეილ სააკაშვილის განცხადებით, უკრაინის პრეზიდენტი პეტრო პოროშენკო ცდილობს, რუსეთის პრეზიდენტ ვლადიმერ პუტინს დაემსგავსოს.

როგორც სააკაშვილი Facebook-ის საკუთარ გვერდზე წერს, პოროშენკო მას იმავე მეთოდებით ებრძვის, როგორც ვლადიმერ პუტინი ოპოზიციონერ ალექსეი ნავალნის.

„პუტინმა რუსეთის ერთადერთ ღირსეულ კაცს, ალექსეი ნავალნის, რომელმაც მასთან ბრძოლა გაბედა, არჩევნებზე არ დაარეგისტრირა, პოროშენკომ კი მოქალაქეობა ჩამომართვა, რათა უკრაინაში პოლიტიკით არ დავკავდე. პუტინმა ნავალნის ცრუ ბრალდებები წაუყენა, პოროშენკო კი ჩემთან მიმართებაში იმავეს გაკეთებას ცდილობს. პუტინი ნავალნის ტელეეთერით გამოჩენას კრძალავს, ჩვენთან კი იმ ტელეარხებს, სადაც მე მიწვევენ,  ყოველთვის პრობლემები უჩნდებათ. პოროშენკოს შეეძლო ევროპის ახალი ჩერჩილი გამხდარიყო, მაგრამ ის მუდმივად ცდილობს გახდეს პუტინი. რას ვიზამთ, პუტინობის ამ კანდიდატს უკრაინელი ხალხი ძალიან სწრაფად გაუმკლავდება. როგორც ერთი კლასიკოსი წერდა: „უკრაინა რუსეთი არაა“, - წერს სააკაშვილი.

ცნობისთვის, რუსეთის 20 ქალაქის საინიციატივო ჯგუფმა მოსკოვში გამართულ კენჭისყრაზე ოპოზიციონერი ალექსეი ნავალნი პრეზიდენტობის კანდიდატად წარადგინა. პროცედურაში 753 ადამიანი მონაწილეობდა. ნავალნის პრეზიდენტობის კანდიდატად დაასახელებას საინიციატივო ჯგუფის 742 წევრმა დაუჭირა მხარი, თუმცა რუსეთის ცენტრალურმა საარჩევნო კომისიამ ნავალნის საპრეზიდენტო არჩევნებში კანდიდატად რეგისტრაციაზე უარი უთხრა. უარყოფითი პასუხი ნავალნიმ ნასამართლეობის გამო მიიღო.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს