„აზიური ფაროსანას გარდა, ჩვენ დღეს ბევრი სხვა მავნებელიც გვყავს, მაგრამ ამის გამო სოფლის მეურნეობის პროდუქტების მიღება რისკის ქვეშ არ დგას“, - ამის შესახებ გარემოსა და სოფლის მეურნეობის მინისტრმა ლევან დავითაშვილმა „ექსპრესნიუსის“ კითხვის საპასუხოდ განაცხადა.

როგორც მინისტრმა აღნიშნა, რეკომენდაციების გათვალისწინების შემთხვევაში, მოსახლეობა მოსავლის გადარჩენას შეძლებს.

„როდესაც არსებობს ასეთი ტიპის მავნებელი, ეს არ ნიშნავს, რომ ჩვენ აღარ გვეყოლება. მეცნიერები ამაზე მსჯელობენ, რომ ეს იქნება ჩვენი სოფლის მეურნეობის ნაწილი, თუმცა  უნდა მოვახდინოთ  მისი გაკონტროლება და მაქსიმალურად შევამციროთ მისი ზიანი სასოფლო სამეურნეო კუთხით. ჩვენ დღეს ბევრი სხვა  მავნებელიც  გვყავს, მაგრამ ამის გამო სოფლის მეურნეობის პროდუქტების მიღება რისკის ქვეშ არ დგას. რა თქმა უნდა მოსახლეობა, ფერმერები ატარებენ სწორ ღონისძიებებს, რაც უკავშირდება მავნებელთან ბრძოლას  და მცენარეების დაცვას. შესაბამისად, მოსავლის გადარჩენას ახერხებენ.

ჩვენ დარწმუნებული ვართ, რომ რეკომენდაციების სწორად გამოყენების პირობებში, მიუხედავად იმისა, რომ  მავნებელი საკმაოდ რთულია, თავისი ბიოლოგიით, მოსახლეობა 2018 წელსაც  შეძლებს მოსავლის მიღებას და გადარჩენას. მაგალითად, შემიძლია გითხრათ, რომ  მანდარინის მოსავალის აღება   ძალიან წარმატებით მიმდინარეობს. მანდარინის მოსავლის  აღების და დაბინავების შესახებ  სპეკულაცია არაერთხელ მოვისმინეთ, რომ ფაროსანამ მთლიანად გაანადურა, მაგრამ ეს იყო აბსოლუტურად უსაფუძვლო ინფორმაცია“,-განაცხადა ლევან დავითაშვილმა.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს