გარემოს დაცვისა და სოფლის მეურნეობის მინისტრის ლევან დავითაშვილის განცხადებით, თხილის პრობლემა მხოლოდ აზიურ ფაროსანას არ უკავშირდება.

როგორც დავითაშვილმა  „ექსპრესანიუსის“ კითხვის საპასუხოდ განაცხადა, თხილში ათობით სოკოვანი და ბაქტერიული დაავადებებია, რომელიც 2017 წლის კლიმატით იყო განპირობებული.

„ ჩვენთვის თხილი არის მნიშვნელოვანი სასოფლო სამეურნეო კულტურა. არამხოლოდ იმიტომ, რომ ის ექსპორტში მნიშვნელოვან როლს თამაშობს და დიდი პროცენტი უჭირავს, არამედ, ბევრი ათასი ფერმერის შემოსავლის მნიშვნელოვანი წყაროა. თქვენც დამეთანხმებით, რომ თხილი დიდწილად იყო კულტურა, სადაც არ იყენებდნენ მცენარეთა დაცვის საშუალებებს და მიჩნეული იყო, რომ თხილი ისედაც მოდის. შესაბამისად, მინიმალური აგროტექნოლოგიით ხდებოდა თხილის მოყვანა და საქართველოს ქონდა ის ფუფუნება, რომ კლიმატური პირობები ამის საშუალებას იძლეოდა“, - განაცხადა მინისტრმა.

მან ასევე აღნიშნა, რომ სოფლის მეურნეობის სამინისტროს მიერ, თხილში არსებული პრობლემების დეტალურად შესწავლა მოხდა.

„რამდენიმე მნიშვნელოვანი ფორუმი ჩატრდა უმაღლესი დონის ექსპერტების მონაწილეობით, არამხოლოდ ქართველების, არამედ თურქი და იტალიელი სპეციალისტები მონაწილეობდნენ. მნიშვნელოვანია რომ მოსახლეობას, თხილთან დაკავშირებული ინფორმაცია სწორად მივაწოდოთ. თხილში პრობლემა მხოლოდ აზიურ ფაროსანას არ უკავშირდება. გვინდა რომ კომუნიკაცია  ამ ნაწილში ძალიან მკაფიო იყოს, რომ არ აღვრიოთ ერთის მხრივ გამოწვევა, რომელიც ფაროსანადან მოდის, და მეორეს მხრივ თხილში დაავადებები და პრობლემები.  თხილში ჩვენ გვქონდა ათობით სოკოვანი და ბაქტერიული დაავადებები. კლიმატი იყო საკმაოდ რთული 2017 წელს. მაღალი ტემპერატულრა, საკმაოდ დიდი ნალექები იყო მოკლე პერიოდში და შემდგეომ თითქმის გვალვიანი პერიოდი“, –განაცხადა მინისტრმა

დავითაშვილმა დასძინა, რომ ჭარბი ნალექის მოსვლა მოკლე პერიოდში, განსაკუთრებით ხელსაყრელ პირობებს ქმნის სოკოვანი დაავადების გავრცელების და  გამრავლების კუთხით.

„რაც აისახა ჩვენი თხილის ხარისხზე მათ შორის დაავადება, რომელიც უკავშირდება ფარულ სიდამპლეს და შიდა სიდამპლე იყო ერთ–ერთი მნიშვნელოვანი მაჩვენებელი, შემაფერხებელი. ექსპორტისთვის. ეს არის ბაქტერიებისგან გამოწვეული დაავადება“, – განაცხადა ლევან დავითაშვილმა.

მინისტრი მოსახელობას მოუწოდებს 2018 წელს ხარისხიანი პროდუქციის მისაღებად, მიჰყვნენ იმ რეკომენდაციებს, რომელიც სოფლის მეურნეობის სამინისტროს გააჩნია.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს