„ჩვენ გუშინ ვნახეთ განსხვავებული თავხედობაც, ვნახეთ მრავალფეროვანი ტყუილებიც და ნამდვილად ვერ ჩავთვლი, რომ ეს იყო დემოკრატია“, - ამის შესახებ პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა რიგგარეშე სხდომაზე განაცხადა.

„ამ ტრიბუნიდან არასაქმიანი საუბარი არ მჩვევია, მაგრამ მოვლენები, რომელიც გუშინ და დღეს განვითარდა მინდა ორიოდე სიტყვით შევეხო. ამ ბოლო ორ დღეს მოვისმინეთ  განსხვავებული აზრები, არგუმენტები და თავისტავად ცხადია ეს ყველაფერი არის ბუნებრივი დამახასიათებელი დემოკრატიისთვის. ჩვენ უმრავლესობას, „ქართულ ოცნებას“ გვეამაყება, რომ ეს პროცესები მიმდინარეობს  აქ პარლამენტში  ჩვენი უმრავლესობის პირობებში. თუმცა ყველა განსხვავება რა თქმა უნდა ვერ  ჩაითვლება დემოკრატიად. ჩვენ გუშინ ვნახეთ განსხვავებული თავხედობაც, ვნახეთ მრავალფეროვანი ტყუილებიც და ნამდვილად ვერ ჩავთვლი, რომ ეს იყო დემოკრატია. ბატონმა გიგა ბოკერიამ ერთხელ თქვა, რომ ჩვენს და  თქვენს შორის არის  ფუნდამენტალური  განსხვავება, მე მინდა აბსოლუტურად დავეთანხმო. დიახ, ჩვენ შორის მართლაც ფუნდამენტალური განსხვავებაა და მეტსაც გეტყვით 2012 წელს  „ნაციონალურ მოძრაობას“, რომ გაემარჯვა  აქ ჩვენ განსხვავებული აზრებით კი არ ვილაპარაკებდით, ამ ნაწილის მინიმუმ 20% ალბათ ციხეში იჯდებოდა“,-აღნიშნა სესიაშვილმა.

შეგახსენებთ, პარლამენტში პრემიერ-მინისტრობის კანდიდატ გიორგი კვირიკაშვილსა და „ნაციონალური მოძრაობის“ წევრ ნიკა მელიას შორის დაპირისპირება მოხდა.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს