პარლამენტში აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმისა და საქართველოს მთავრობის რიგით მე-2 ერთობლივ კონფერენციაზე: „საქართველო ევროკავშირის ასოცირების ამოცანები"  დამსწრე საზოგადოებას სიტყვით მიმართა საქართველოში ევროკავშირის მისიის ხელმძღვანელმა იანოშ ჰერმანმა.

მან საქართველო-ევროკავშირის ასოცირების ხელშეკრულების განხორციელების პროცესში სამოქალაქო საზოგადოების წვლილზე ისაუბრა. ასევე, ელჩმა ყურადღება გაამახვილა  იმაზე, თუ როგორ შეიძლება გაგრძელდეს მუშაობა საქართველოსა და ევროკავშირს შორის დაახლოების თვალსაზირით:

„საქართველოს ეროვნული პლატფორმის როლი, სამოქალაქო საზოგადოების როლი, თქვენი ორგანიზაციების როლი არის ფუნდამენტური მთელ ამ პროცესში. უპირველეს ყოვლისა იმიტომ, რომ ხალხი ძალიან ხშირად საუბრობს იმაზე, რომ არასამთავრობო ორგანიზაციების მხრიდან უნდა განხორციელდეს მონიტორინგი და კონტროლი, მაგრამ მეორეს მხრივ, იმედი გვაქვს, ერთად ვიმუშავებთ იმისთვის, რომ ამ განხორციელებული ნაბიჯების შედეგად მივიღო მნიშვნელოვანი შედეგები ევროკავშირთან დაახლოების პროცესში. ჩვენ უფრო მეტად უნდა ავუხსნათ ხალხს, რა სარგებელი შეიძლება მიიღონ ამ თანამშრომლობიდან და რა საფრთხეები შეიძლება დადგეს, თუ ეს არ იქნება განხროციელებული. მეტად მნიშვნელოვანია, გავაგრძელოთ მუშაობა პრაქტიკული განხორციელების დონეზე, უნდა გავაგრძელოთ  მუშაობა სამოქალაქო საზოგადოებასთან, რომ ჩვენი ერთობლივი გადაწყევტილებები იყოს აღსრულებული და განხორციელებული.

როგორ განვავითარებთ ჩვენ სამომავლო ურთიერთობებს და თანამშრომობას, ან როგორ შეიძლება გავაგრძელოთ მუშაობა საქართველოსა და ევროკავშირს შორის დაახლოების თვალსაზრისით, როგორ შეიძლება რომ აღმოსავლეთ პარტნიორობა და თავად ასოციაცია უფრო დაიხვეწოს და ჩამოყალიბდეს, რათა უკეთესი შედეგები მივიღოთ. ჩვენ ახლა ვლაპარაკობთ იმაზე, რომ გადავდივართ ყველა ჩვენი გადაწყვეტილების დაუყოვნებლივ შესრულებაზე და აქ ძალიან მნიშვნელოვანია თქვენი წვლილი, რომ ერთობლივად განვიხილოთ გრძელვადიანი მომავლის მნიშვნელოვანი საკითხები“,-განაცხადა იანოშ ჰერმანმა.

ავტორი: ,

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში