საქართველოს მესამე პრეზიდენტის მიხეილ სააკაშვილის ინფორმაციით, უკრაინის უშიშროების სამსახურმა მისი ბინის ჩხრეკის შესახებ სასამართლოსგან გადაწყვეტილება მიიღო, - ამის შესახებ ოდესის ყოფილი გუბერნატორი Facebook-ის საკუთარ გვერდზე წერს.

„ბოდიში, მეგობრებო, ვერ დაგელოდეთ, კონოტოპში გავემგზავრე ჩემს აგენტურულ საქმეებზე, რათა რუსეთის საზღვარზე ინსტრუქციები მივიღო. თუმცა, იმისათვის, რომ ამოცანა  გაგიადვილოთ, როდესაც შემოხვალთ ჩემთან სახლში, შეგიძლიათ კარები იმავე გასაღებით გააღოთ, რომელიც ჩემს მძღოლს „ყაჩაღებმა“ წაართვეს, რომლებმაც ის სადარბაზოში სცემეს და რომლის მეშვეობით თქვენ 10 დღის წინ კამერები დააყენეთ ჩემს ბინაში“, - წერს სააკაშვილი.

გარდა ამისა, ყოფილმა პრეზიდენტმა უკრაინის უსაფრთხოების სამსახურს ირონიულად მიმართა და განაცხადა, რომ მათ ჩხრეკისას შეიძლება "კოკაინი და ჰეროინი იპოვიან".

"კარადაში შეგიძლიათ ნახოთ პოროშენკოს კორუფციულ სქემებზე გაზეთები, რომელშიც კოკაინია გახვეეული, მაცივარში „როშენის“ მოწამლული შოკოლადია, ხოლო სეიფში ინახება ასაფეთქებელი, რომელიც მხოლოდ ბარიგებისთვის ფეთქდება, ფული, რომელიც მონღოლურმა დაზვერვამ გადმომცა უკვე დავხარჯე, გუშინ ჟურნალისტებთან ერთად, რომ ვიქეიფე რესტორან "გივიში". რაც მთავარია, გასვლისას არ დაგავიწყდეთ შუქის ჩაქრობა, თორემ მას შემდეგ, რაც პეტრო პოროშენკო DTEK-ის თანამფლობელი გახდა, ელექტროენერგიაზე ტარიფები უფრო გაიზარდა, ვიდრე ეს ახმეტოვის დროს იყო“, - განაცხადა მიხეილ სააკაშვილმა.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს