ლტოლვილთა და განსახლების მინისტრმა სოზარ სუბარმა მედიას  გირგვლიანის მკვლელობის საქმესთან დაკავშირებით მიმდინარე სასამართლო პროცესთან დაკავშირებით მიაწოდა ინფორმაცია.

როგორც მან აღნიშნა, სასამართლოს მოწმის სტატუსით ჩვენება მისცა. სუბარმა სახალხო დამცველის თანამდებობაზე ყოფნის ის პერიოდი გაიხსნა, რომელიც გირგვლიანის საქმეს უკავშირდება:

„მინდა, ვთქვა ორიოდე სიტყვა იმ სასამართლო პროცესზე, რომელიც დღეს მიმდინარეობს სააკაშვილის ბრალთან დაკავშირებით. დავიკითხე ამ პროცესებზე, როგორც მოწმე, სასამართლოს მეც მივეცი ჩვენება. მოგეხსენებათ, ვიყავი სახალხო დამცველი იმ დროს, როცა ეს ყველაფერი ხდებოდა, ხდებოდა ჩემს თვალწინ და ჩემი უშუალო მონაწილეობით იმიტომ, რომ ვიყავი ჩართული იმ ყველაფრის მაშინვე გამოძიებაში, რაც ხდებოდა გირგვლიანის მკვლელობასთან დაკავშირებით, რომ ხდებოდა პრაქტიკულად გზა და გზა გაყალბება სასამართლო პროცესების, როგორ იცვლებოდა კანონები ერთი სასამართლო პროცესიდან მეორე სასამართლო პროცესამდე, რომ ამით შეემცირებინათ ბრალი იმ ადამიანებისთვის, რომლებიც იხდიდნენ სასჯელს. როგორ ისხდნენ ისინი ერთ საკანში მაშინ, როდესაც ეს კანონით აკრძალული იყო და როგორ შეცვალეს ამასთან დაკავშირებით წესები, როგორ მოხდა, რომ ისინი იყვნენ პრივილეგირებულ მდგომარეობაში, ერთ-ერთი ძალიან მაღალი თანამდებობის პირი, მინისტრი მაშინ ჩემთანაც კი მოდიოდა და მეუბნებოდა ( სააკაშვილის მთავრობის წევრზე მაქვს საუბარი), როგორ მართავდნენ ისინი ბიზნესებს და ატერორებდნენ ადამიანებს,  ციხიდან როგორ უშვებდნენ პერიოდულად მათ ოჯახებში, თითქოს დანაშაული არ ჰქონდათ ჩადენილი და როგორი იყო ამ ყველაფრის  გვირგვინი სააკაშვილის მიერ მათი შეწყალება“,-განაცხადა სოზარ სუბარმა.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს