„ტერმინი „ხმოსანი“  ქილიკის საგანი გახდა, შესაბამისად მივიღეთ ტერმინის ჩანაცვლების  გადაწყვეტილება“, - ამის შესახებ პარლამენტის თავმჯდომარე ირაკლი კობახიძემ საკონსტიტუციო  ცვლილებების პროექტის მორიგ განხილვაზე განაცხადა.

კობახიძემ აკადემიური წრეების წარმომადგენლებთან შეხვედრაზე კონსტიტუციის ახალი რედაქციის ძირითად ნაწილში პრეზიდენტის არაპირდაპირი არჩევის წესზე  კიდევ ერთხელ ისაუბრა.

„პრეზიდენტის არაპირდაპირი წესით არჩევა შემოღებული იქნება 2014 წელს. აქედან გამომდინარე მომავალ წელს პრეზიდენტის არჩევის  პირდაპირი არჩევნები  ჩატარდება და ის  აირჩევა პირდაპირი წესით მიუხედავად იმ ცვლილებისა, რომელიც არის ასახული კონსტიტუციის ახალი   რედაქციის ძირითად ნაწილში. რაც შეეხება ახალ რედაქციას, პრეზიდენტი აირჩევა  300 ხმოსნის მიერ.  ტერმინი -„ხმოსანი“ ქილიკის საგანი გახდა, შესაბამისად, მიუხედავად იმისა, რომ ეს ტერმინი არის ძირძველი ქართული წარმოშობის, მივიღეთ გადაწყვეტილება, ჩავანაცვლოთ და მის ნაცვლად ჩაიწეროს „საარჩევნო კოლეგიის წევრი“. მთლიანობაში კოლეგიაში არის წარმოდგენილი 300  წევრი, აქედან 150  არის პარლამენტის წევრი, დაახლოებით 50 არის აჭარის უმაღლესი საბჭოს   და აფხაზეთის   ავტონომიური რესპუბლიკის  უმაღლესი საბჭოს წევრები. კოლეგიის დანარჩენი წევრები    პოლიტიკური პარტიების მიერ ადგილობრივი თვითმმართველობის არჩევნების შედეგის შესაბამისად დასახელდებიან. ასეთი სახით ჩამოყალიბდება კოლეგია.  კოლეგია პირველ ტურში გადაწყვეტილებას მიიღებს  ორი მესამედის კვორუმით, ანუ არჩეულად  ის  კანდიდატი ჩაითვლება, რომელსაც მხარს  დაუჭერს კოლეგიის წევრთა  ორი მესამედი მაინც. თუ ასეთი მხარდაჭერა არ იქნება სახეზე, შემდეგ ტარდება მეორე ტური, მეორე ტურში უკვე დგინდება გამარჯვებული ფარდობითი უმრავლესობის წესის შესაბამისად.  ჩვენ გადავდივართ პირდაპირი წესის არჩევნებიდან  არაპირდაპირი წესის არჩევნებზე“,-განაცხადა ირაკლი კობახიძემ.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს