„თბილისი ევროპული და არამარტო ევროპული ბიზნესის ყურადღების ცეტრში იქნება“, - ამის შესახებ ფინანსთა მინისტრმა ნოდარ ხადურმა საქართველოში დაგეგმილი EBRD-ის  ყოველწლიური შეხვედრის შესახებ განაცხადა.
ხადურის განცხადებით, ღონისძიებისათვის მოსამზადებელი სამუშაოები გრაფიკის წინსწრებით მიმდინარეობს.
„ჩვენ შევაჯამეთ ინფრასტრუქტურული სამუშაოების მიმდინარეობა იმ ადგილზე, სადაც ერთ კვირაში ძალიან მნიშვნელოვანი ბიზნესფორუმი დაიწყება და თბილისი გახდება ევროპული და არამარტო ევროპული ბიზნესის ყურადღების ცეტრში. მნიშვნელოვანია, რომ ეს ყველა ღონისძიება გრაფიკის წინსწრებით მიმდინარეობს. ძალიან ბევრ ღირსეულ სტუმარს ველოდებით, ვისაც კონკრეტული წინადადებები აქვთ საქართველოსთან მიმართებაში. ბიზნესმენები, საფინანსო ორგანიზაციები, ბანკები, მთავრობები საქართველოში ჩამოვლენ და ისინი მოწოდებულნი არიან, რომ ჩვენს ქვეყანაში ინვესტიციები განახორციელონ და ხელი შეუწყონ ბიზნესმენებს იმისათვის, რომ ყველა ის შესაძლებლობა გამოიყენონ, რაც საქართველოს გააჩნია. საქართველოს მთავრობა ყველაფერს აკეთებს იმისათვის, რომ ყველაფერმა მაღალ დონეზე ჩაიროს და რეალური შედეგები დადგეს - ეს ინვესიტიციებია“, - განაცხადა ნოდარ ხადურმა.
შეგახსენებთ, EBRD-ის  ყოველწლიური შეხვდრის საორგანიზაციო სამუშაოები პარლამენტისა და მოსწავლე-ახალგაზრდობის სასახლის ტერიტორიაზე პრემიერ-მინისტრმა ირაკლი ღარიბაშვილმა და პარლამენტის თავმჯდომარე დავით უსუფაშვილმა მთავრობის წევრებთან ერთად დაათვალიერეს. EBRD-ის  ყოველწლიური შეხვედრისა და ბიზნესფორუმის ორგანიზების უზრუნველმყოფი სამთავრობო კომისიის ხელმძღვანელმა, ფინანსთა  მინისტრმა ნოდარ  ხადურმა მათ  გაწეული სამუშაოების შესახებ ინფორმაცია მიაწოდა. ღონისძიებისათვის პარლამენტის ეზოში ოთხი დროებითი ნაგებობა აშენდა, სადაც მედიაცენტრი, ბრიფინგების ოთახი და საკონფერენციო დარბაზები განთავსდება. სამუშაოები ჩატარდა მოსწავლე ახალგაზრდობის სასახლეშიც. ამასთან, EBRD-ის  ყოველწლიური შეხვედრისა და ბიზნესფორუმის ორგანიზების უზრუნველმყოფი სამთავრობო კომისიის სხდომა მოსწავლე- ახალგაზრდობის სასახლეში გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს