ნატო ახალ სტრუქტურას ქმნის, რომელიც კიბერუსაფრთხოების მიმართულებით იმუშავებს, - ამის შესახებ The Hill იუწყება.  

როგორც ჩრდილოატლანტიკური ალიანსის გენერალურმა მდივანმა იენს სტოლტენბერგმა განაცხადა, ახალი სტრუქტურა ალიანსის კიბერუსაფრთხოებას კიდევ უფრო გააძლიერებს. 

„დღეს მინისტრები შეთანხმდნენ ახალი ცენტრის შექმნაზე. ეს კიდევ უფრო გააძლიერებს ჩვენს კიბერუსაფრთხოებას და დაგვეხმარება, რომ ყველა მიმართულებით ნატოს სხვადასხვა ოპერაციებში ჩავრთოთ კიბერკომპონენტები“, - განაცხადა სტოლტენბერგმა.

გარდა ამისა, მედია საშუალების ინფორმაციით, ევროპაში ნატოს ოპერაციების დაგეგმვის და მართვის 2 ახალი ცენტრიც შეიქმნება. ერთი მათგანი ევროპის კონტინენტზე ჯარის და შეიარაღების გადანაწილებაზე იქნება პასუხისმგებელი, მეორე კი ატლანტის ოკეანეში სამხედრო-საზღვაო ძალების ოპერაციებზე.

მედიის ცნობით, ჯერჯერობით უცნობია სად განთავსდება ახალი ცენტრები და დამატებით რამდენიმე პერსონალი დასჭირდება ნატოს. 

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს