განათლების რეფორმა მთავრობის 4-პუნქტიანი გეგმის მნიშვნელოვანი ნაწილია, - განაცხადა პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა პარლამენტში 2018 წლის ბიუჯეტის განხილვისას.

როგორც მან აღნიშნა, პედაგოგთა სახელფასო პოლიტიკის მოწესრიგება ეტაპობრივად დაიწყო. პირველადი ზრდა განხორციელდა 2015 წლის სექტემბრიდან, მეორე ეტაპი განხორციელდა 2016 წლის აპრილიდან, 2017 წლის იანვრიდან კი განხორციელდა მასწავლებელთა ხელფასის ზრდის მესამე ეტაპი.

„შესაბამისად, სრული დატვირთვის შემთხვევაში, მენტორის ანაზღაურება შეადგენს 700 ლარს - ზრდაა 300  ლარით, წამყვანი მასწავლებლის ანაზღაურება 500 ლარია, ხოლო უფროსი მასწავლებლის ანაზღაურება არის 320 ლარი. 2017 წლის იანვარ-აგვისტოში აღნიშნული სქემით განსაზღვრული მასწავლებლის დანამატების ხარჯების დაფინანსებამ შეადგინა 37.5 მლნ ლარი, რაც 2016 წლის შესაბამის პერიოდთან შედარებით გაზრდილია 18.1 მლნ ლარით. შესაბამისად, როგორც კი პედაგოგებს აქვთ სრული დატვირთვა, ისინი იღებენ აღნიშნულ დანამატს", - განაცხადა პირველმა ვიცე-პრემიერმა.

(NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს