2017-10-27 12:37:07, 2260 ნახვა
მსოფლიო
მალიში აფეთქების შედეგად გაერო-ს 3 მშვიდობისმყოფელი დაიღუპა
მალიში აფეთქება მოხდა, რის შედეგადაც გაერო-ს 3 მშვიდობისმყოფელი დაიღუპა, - ამის შესახებ France24 იუწყება.
მედია საშუალების ინფორმაციით, ინციდენტის შედეგად კიდევ 3 მშვიდობისმყოფელმა სხვადასხვა სახის დაზიანება მიიღო. ისინი ადგილობრივ საავადმყოფოში გადაიყვანეს.
მედიის ცნობით, აფეთქება ტელასიტისა და ეგელჰოკის დასახლებულ პუნქტებს შორის მოხდა. გაეროს ავტომობილი ჰუმანიტარული ტვირთის კოლონას აცილებდა, როდესაც სავარაუდოდ გზასთან დამონტაჟებული ასაფეთქებელი მოწყობილობა ამოქმედდა.
სხვა დეტალები ამ დროისთვის ჯერ უცნობია. მომხდარზე პასუხისმგებლობა არც ერთ ტერორისტულ ორგანიზაცია არ აუღია.
ცნობისთვის, 2013 წლიდან დღემდე მალიში 80-ზე მეტი მშვიდობისმყოფელი დაიღუპა.
![]()
ავტორი: ,
epn.ge (@expressnews.ge)
