მმართველი გუნდის წარმომადგენელის ვანო ზარდიაშვილის განცხადებით, საუბარი, რომ ახალი კონსტიტუცია მხოლოდ  ერთი პარტიის-„ქართული ოცნების“ მიერაა მხარდაჭერილი, საზოგადოების შეცდომაში შეყვანაა.

ზარდიაშვილის განმარტებით, საპარლამენტო უმრავლესობაში ფრაქციების სახით წარმოდგენილია  4 პარტია- სოციალ-დემოკრატები - საქართველოს განვითარებისთვის, საქართველოს კონსერვატიული პარტია, საქართველოს მწვანეთა პარტია, „ პოლიტიკური გაერთიანება - მრეწველობა გადაარჩენს საქართველოს". დეპუტატის თქმით, ისინიც იზიარებენ საკონსტიტუციო ცვლილებების მიღებულ ვარიანტს და შესაბამისად, ახალი დოკუმენტს 5 პარტიის მხარდაჭერა აქვს:

 „ჩვენ გუშინ რაღაცნაირად მოვახერხეთ და გაღიარებინეთ, რომ 5 არ უდრის ერთს. დღეს ამ დარბაზში ზის მინიმუმ 5 პარტია. თქვენ  გუშინ ხაზს უსვამდით პარტიების ისტორიას  და დაარსების პერიოდს და გავიწყდებათ , რომ „მწვანეთა პარტია“  არის ერთ-ერთი ძველი პარტია, რომელსაც უკვე 25 წლიანი ისტორია აქვს საქართველოს პოლიტიკაში. ასევე მრეწველები და აღარ ჩამოვუყვები ამ საკითხს, როგორ არის, რომ 5 უდრის ერთს. რატომ აგრძელებთ პრინციპულად საზოგადოების მოტყუებას. რატომ ამბობთ, რომ არის ერთპარტიული, როდესაც 5 პარტიაა წარმოდგენილი ამ შემთხვევაში“,-განაცხადა ვანო ზარდიაშვილმა და დასძინა, რომ იმ ოპოზიციურმა პარტიებმა, რომლებსაც პრეზიდენტი ახსენებს,  2010 წელს მიხეილ სააკაშვილს კონსტიტუცია „ გაუპრავეს“:

„2010 წელს მიღებულ კონსტიტუციაში თითქმის ყველა მუხლს ჰქონდა თავისი თანამდებობის სახელები და გვარები, ვისთვის იღებდნენ ამ კონსტიტუციას. 2010 წელს გათამაშდა პუტინი- მედვედევის მმართველობის მოდელის  გადმოღება საქართველოში,  სადაც პრეზიდენტმა გადასცა პრემიერის ინსტიტუტს ძალაუფლება იმისთვის, რომ პრეზიდენტი გადასულიყო პრემიერად.

ის პარტიები, რომლებიც  ახლა მას თანხმობის დოკუმენტად აცხადებენ,  გააპრავეს ეს კონსტიტუცია. 2010 წელს გაუპრავეს სააკაშვილს კონსტიტუცია. მართლა ფიქრობთ, რომ იმ 20 სუბიექტს  აქვს რაიმე საზოგადოებრივი მხარდაჭერა, მაგალითად პაატა დავითაიას პარტიას ,ან ბაჩუკი ქარდავას პარტიას“,-მიმართა ვანო ზარდიაშვილმა პრეზიდენტის საპარლამენტო მდივან ანა დოლიძეს, რომელიც დეპუტატებს გიორგი მარგველაშვილის მოტივირებულ შენიშვნებს აცნობს.

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება