იუსტიციის მინისტრი თეა წულუკიანი საქართველოდან ასარჩევი სტრასბურგის მოსამართლეობის კანდიდატების  პირველი სიის ჩავარდნას უკავშირებს „გაუგონარ პროცესებს ქვეყნის შიგნით და სტრასბურგში, რომელშიც ბევრი ადამიანი მონაწილეობდა“.

თეა წულუკიანმა ლადო ჭანტურიას ახალ პოზიციაზე წარმატებები უსურვა:

„ჩვენი სიას ჩავარდა ერთადერთხელ, რაც არაერთხელ მომხდარა სხვა ქვეყნების შემთხვევაში. წინა პარასკევს, როდესაც გასაუბრებები ჩატარდა ქართველ კანდიდატებთან, განიხილეს თურქეთის სია, რომელიც უკან დააბრუნეს და ჩვენი სია მოიწონეს. ჩვენი სია ერთხელ იქნა საპარლამენტო ასამბლეის მიერ უარყოფილი. მეორე სია ჩავარდნილი არ ყოფილა, ამგვარი გადაწყვეტილება ბუნებაში არ არსებობს, მეორე გადაწყვეტილება იყო სიის მოწონების შესახებ რამდენიმე დღის წინ. პირველი სიის ჩავარდნას, მე ვუკავშირებ იმ გაუგონარ პროცესებს ქვეყნის შიგნით და სტრასბურგში, რომელშიც მონაწილეობდა ძალიან ბევრი ადამიანი, ისინი გუშინაც კი, საპარლამენტო ასამბლეის კენჭისყრის პარალელურად მუშაობდნენ, მაგრამ საქართველოს ღირსეულმა კანდიდატმა აბსოლუტური უმრავლესობა მიიღო. ჭანტურიას მინდა წარმატება ვუსურვო. ის საქმიანობას რამდენიმე კვირაში შეუდგება და დარწმუნებული ვარ, განავითაროს თავის კოლეგებთან ერთად ადამიანის უფლებების ევროპული პრეცედენტი და სამართალი”,-აღნიშნა წულუკიანმა.

მან ასევე მადლობა გადაუხადა სტრასბურგის მოსამართლეობის სხვა კანდიდატებს:

„მადლობა მინდა გადავუხადო ყველა იმ კანდიდატს, ვინც მონაწილეობდა და გამოვყო მათ შორის ისინი, ვინც სამკაციან სიაში იყვნენ. ესენია: ლალი ფაფიაშვილი, ალექსანდრე ბარამიძე, რომელმაც ბევრი უსაფუძვლო კრიტიკა მიიღო და დასანანია, ოთარ სიჭინავა, მანო მჭედლიძე, ასევე ევა გოცირიძე და სხვები. ასევე მინდა ყველა სტუდენტ კანდიდატსაც, იურისტებს, რომლებმაც სურვილი გამოთქვეს საკუთარი თავი მოესინჯათ, თუმცა კრიტერიუმებს ვერ აკმაყოფილებდნენ, მათაც ვუთხრა მადლობა”,-განაცხადა იუსტიციის მინისტრმა.

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება