თბილისის საკრებულოს თავმჯდომარის გიორგი ალიბეგაშვილის განცხადებით, ოპოზიციას კონსტრუქციულ რეჟიმში მუშაობა არ სურს და მათი მიზანი საკრებულოს სხდომის ჩაშლაა.

როგორც ალიბეგაშვილმა ჟურნალისტებს განუცხადა, საკრებულო იმსჯელებს და ეცდება, კონსტრუქციულად მიიღოს ყველა გადაწყვეტილება.

ამასთან, ალიბეგაშვილი ამბობს, რომ საკრებულოს რეგლამენტის შესაბამისად იმოქმედებენ.

„ოპოზიციის ჯგუფებს არანაირი სურვილი არ გამოუხატავთ ამ დღეების მანძილზე, რომ მოსულიყვნენ კომისიებში ფორმატში და განეხილათ ის საკითხი, რომელიც მათ ასე აინტერესებთ. მათ არ უნდოდათ, რომ კონსტრუქციულ რეჟიმში გვემუშავა. ეს საკითხი ამ დღემდე მოიყვანეს იმისათვის, რათა ეს შოუ მოეწყოთ. თუ რაიმე სურვილი აქვთ მათ, არის ორი ფრაქცია „ნაციონალებისა“ და „ევროპული საქართველოსი“. შეუძლიათ ჯერ მოისმინონ და არა ისე, ზედაპირულად იმსჯელონ იმ საკითხებზე, რომელიც შემოდის საკრებულოში. მინდა ჩვენს თანამოქალაქეებს ბოდიში მოვუხადო იმ შეფერხებებისათვის, რომელიც დღეს იყო მიღებასთან დაკავშირებით, მაგრამ პირდაპირი კავშირი შეუძლიათ დაამყარონ საკრებულოსთან და თავიანთი პრობლემები კვლავ შემოვიდეს, ჩვენ მოვუგვარებთ მათ. ამასთანავე, მინდა განვაცხადო, რომ საკრებულო იმსჯელებს და ეცდება, კონსტრუქციულად მიიღოს ყველა გადაწყვეტილება. თქვენ არაერთხელ ხართ მომსწრე, რომ მათი მიზანია საკრებულოს სხდომის ჩაშლა, ამ განცხადებას დაუფარავად აკეთებენ. ჩვენ არავის მივცემთ კანონის დარღვევის უფლებას. ვიმოქმედებთ კანონის და საკრებულოს რეგლამენტის მიხედვით“, - განაცხადა ალიბეგაშვილმა.

ცნობისთვის, საკრებულოს სხდომა, რომელზეც დღეს ბიძინა ივანიშვილთან დაკავშირებული ორი კომპანიისთვის თბილისში მიწის ნაკვეთების საკითხი უნდა განიხილონ, უკვე დაწყებულია. სხდომაზე ოპოზიციამ საკრებულოს უმრავლესობას მოუწოდა, მიწების გადაცემის საკითხი დღის წესრიგიდან ამოიღონ.

ავტორი: ,

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა