რუსი ოპოზიციონერის, ალექსეი ნავალნის მხარდამჭერ აქციებზე, რომლებიც რუსეთის მასშტაბით 80 ქალაქში მიმდინარეობს, სულ მცირე 40 ადამიანი დააკავეს, - ამის შესახებ Meduza.io იუწყება.

მედია საშუალების ინფორმაციით, სამარაში, ეკატერინბურგში, იაკუტსკში და სხვა ქალაქებში აქციის მონაწილეები დააკავეს, მანამდე კი ნავალნის შტაბის კოორდინატორების დაკავება მოხდა.

ცნობისთვის, დღეს ქვეყნის მასშტაბით ალექსეი ნავალნის მხარდამჭერი აქციები იმართება. აქციის მონაწილეები, ნავალნის 20 დღიანი პატიმრობიდან გათავისუფლებას და ოპოზიციონერის 2018 წლის საპრეზიდენტო არჩევნებზე დარეგისტრირების უფლების მიცემას.

მოსკოვის ცენტრში არასანქცირებული აქცია 14:00 საათზე დაიწყო.

აღსანიშნავია, რომ სხვადასხვა მედია საშუალებები დაკავებული ადამიანების განსხვავებულ რაოდენობას ასახელებენ. მაგალითად სააგენტო Delfi წერს, რომ აქციაზე სულ მცირე 80 ადამიანი დააკავეს.

შეგახსენებთ, რომ ნავალნიმ დაკავებამდე რამდენიმე დღით ადრე ქვეყნის პრეზიდენტის ვლადიმერ პუტინის დაბადების დღეზე, მასობრივი აქციები დააანონსა. ბოლო ერთ კვირაში ნავალნი ორჯერ დააკავეს. პირველად ეს 29 სექტემბერს მოხდა, თუმცა იმავე დღეს გაათავისუფლეს. საპროტესტო აქციის ორგანიზების წესების განმეორებით დარღვევის გამო ის 2 ოქტომბერს უკვე 20 დღით დააპატიმრეს.

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება