„2014 წელს საქართველოს ეკონომიკა ევროპაში ყველაზე მზარდი იყო“,-ამის შესახებ საქართველოს ექსპრემიერმა ბიძინა ივანიშვილმა „საზოგადოება 2030“-ის ეკონომიკურ ფორუმზე სიტყვის გამოსვლის შემდეგ განაცხადა.

როგორც ივანიშვილმა აღნიშნა, დღესაც კი, როცა ლარი დევალვაციას განიცდის, აუცილებელია სწორი ანალიზი გაკეთდეს, თუ რა არის ამის რეალური მიზეზი. მისივე თქმით, მთავრობას არ შეუძლია რეგიონში მიმდინარე პროცესებზე გავლენა იქონიოს.

„2014 წელს საქართველოს ეკონომიკა იყო ყველაზე მზარდი არა მხოლოდ რეგიონში, არამედ მთელს ევროპაში. ეს არის საერთაშორისო ინსტიტუტების შეფასება, კეთილი ინებეთ ჟურნალისტებმა და გაეცანით. თუ არ გჯერათ ჩემი შეფასების, ყველა საერთაშორისო შეფასება სინჯეთ და ნახეთ. დღესაც კი როდესაც ლარი განიცდის დევალვაციას, რაც რა თქმა უნდა ხიფათს შეიცავს ბიზნესისთვის და ეკონომიკისთვის, ამ შემთხვევაშიც სწორი ანალიზი უნდა გაკეთდეს, რა არის რეალური მიზეზები. მთავრობას არ აქვს ყველაფრის შესაძლებლობა, მას არ შეუძლია რეგიონში მიმდინარე პროცესებზე ან საწვავის ფასებზე გავლენა იქონიოს“,-განაცხადა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს