პარლამენტის იურიდიულ საკითხთა კომიტეტის თავმჯდომარე ეკა ბესელია არასამთავრობო ორგანიზაცია „საერთაშორისო გამჭვირვალობა- საქართველოს“ მიერ გამოქვეყნებულ ანგარიშს გამოეხმაურა.

როგორც ბესელიამ აღნიშნა, ორგანიზაციის მიერ გამოქვეყნებულ ჩამონათვალში, ისეთი შემთხვევებიც აღმოჩნდა, როდესაც  ფაქტები რეალობას იყოს აცდენილი.

„რეალობას აცდა ის ფაქტები, რაც გამოქვეყნდა. მაგალითად, გედევან ფოფხაძეზეც არის იგივე ინფორმაცია, ნამდვილად შემიძლია გითხრათ, რომ აბსოლუტურად არარეალური ინფორმაციაა. ასეთი არ არის მხოლოდ გედევანზე, ასეთი  ფაქტები არის სხვებზეც და არ შეესაბამება რეალობას. საუბარია იმაზე, მაქსიმალურად გადამოწმდეს  ინფორმაციები, ვიდრე  საჯაროდ გაცხადდება, გაკეთდეს ისეთი განცხადებები, რომელიც არ იქნება ცილისმწამებლური“,-განაცხადა ეკა ბესელიამ.

ცნობისთვის, 19 სექტემბერს ორგანიზაციამ  ანგარიში გამოაქვეყნა, სადაც  მონაცემებზე  ასახულია ინფორმაცია პარლამენტის წევრების სამეწარმეო საქმიანობისა და არადეკლარირებული ქონების  შესახებ.

ორგანიზაციის მიერ გამოქვეყნებულ ანგარიშში ნათქვამია, რომ  წარმოდგენილი ყველა მონაცემი  ეყრდნობა საჯარო რეესტრის ეროვნული სააგენტოს ვებგვერდზე განთავსებულ ინფორმაციას და ასევე პარლამენტის წევრთა მიერ შევსებულ დეკლარაციებს, რომელიც  საჯარო სამსახურის ბიუროს ვებგვერდზეა ხელმისაწვდომი.

ავტორი: ,

სოციალური ქსელები

ირანი აცხადებს, რომ აშშ-ის საჰაერო თავდასხმების შედეგად 14 ადამიანი დაიღუპა

აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა

კორეული პრემიუმ ბრენდი Manyo უკვე PSP-შია

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს