„პეკინის ქუჩის რეაბილიტაცია 2017 წლის ყველაზე მასშტაბური და ამბიციური პროექტია“ - ამის შესახებ თბილისის მერმა დავით ნარმანიამ პეკინის ქუჩაზე დასრულებული სამუშაოების შეჯამებისას განაცხადა.

ნარმანიას თქმით, სამუშაოების დაწყებამდე იყო ბევრი კითხვა და ბევრი ეჭვი, თუმცა პროექტი უმოკლეს ვადაში, საკმაოდ წარმატებით დასრულდა.  

„მსგავსი მოცულობითი სამუშაოები პეკინის ქუჩაზე ბოლო 50-60 წლის განმავლობაში არ ჩატარებულა. მე მინდა, ყველას მოგილოცოთ ამ მასშტაბური პროექტის წარმატებით დასრულება“ - განაცხადა თბილისის მერმა. 

დავით ნარმანიამ პროექტის წარმატებით დასრულებაში შეტანილი უდიდესი წვლილისთვის კომპანიებს „Gwp“-სა და „Black Sea Group“-ს მადლობა გადაუხადა და განაცხადა, რომ ორივე კომპანიამ სამუშაოების მიმდინარეობისას  უდიდესი კორპორაციული პასუხისმგებლობა, კოორდინირებული მუშაობა და პროფესიონალიზმი აჩვენა.

„გარდა „Gwp“-ის და „Black Sea Group“-ისა, მინდა მადლობა გადავუხადო მერიის კეთილმოწყობის სამსახურს, განსაკუთრებით კი, სამსახურის უფროსს - გივი კუბლაშვილს და მის მოადგილეს - ჰამლეტ ჟიჟიაშვილს, რომლებიც პირდაპირი მნიშვნელობით 24 საათიან რეჟიმში მუშაობდნენ პეკინის რეაბილიტაციის წარმატებით დასრულებისათვის. ასევე დიდი მადლობა მერიის ტრანსპორტის საქალაქო სამსახურს“ ,- განაცხადა დავით ნარმანიამ. 

დედაქალაქის მერმა გამოჩენილი მოთმინებისა და მხარდაჭერისათვის განსაკუთრებული მადლობა თბილისელებსაც გადაუხადა. 

(NS)

ავტორი: ,

სოციალური ქსელები

ირანი აცხადებს, რომ აშშ-ის საჰაერო თავდასხმების შედეგად 14 ადამიანი დაიღუპა

აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა

კორეული პრემიუმ ბრენდი Manyo უკვე PSP-შია

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს