საქართველოს ყოფილი პრეზიდენტის მიხეილ სააკაშვილის ინფორმაციით, მას გუშინ უკრაინის საზღვარზე პასპორტი მოპარეს.

როგორც სააკაშვილმა ლვოვში გამართულ ბრიფინგზე განმარტა, პასპორტი უკრაინის პოლიციამ მოპარა.

"გუშინ მოვედი და უკრაინის საზღვარი გადმოვკვეთე. ამ დროს ლეგალურად გადავკვეთე პოლონეთის საზღვარი. მათ მივაწოდე ჩემი პასპორტი და პოლონელმა მესაზღვრეებმა შტამპი ჩამირტყეს. შემდეგ გადავედი უკრაინის მესაზღვრეებთან და მათაც მივაწოდე პასპორტი, როგორც ამას კანონი ითვალისწინებს. მათ პასპორტი არ გამომართვეს. მითხრეს, რომ თქვენს პასპორტს არ ავიღებთ. ამის შემდეგ, ხალხმა პრაქტიკულად ხელში ამიყვანა, ისე, რომ არც მკითხეს და უკრაინის ტერიტორიაზე შემიყვანეს. ამ დროს პასპორტი ავტობუსში დავტოვე. მოვიდა პოლიცია, ავტობუსში ჩხრეკა ჩაატარა და მოიპარა ჩემი პასპორტი. ახლა ჩემი პასპორტი მათ აქვთ. დღეს დილით ჩემი ადვოკატი უკრაინის საიმიგრაციო სამსახურში მივიდა, როგორც ამას კანონი ითვალისწინებს და მიიტანა დოკუმენტი, რომლის თანახმადაც მე უნდა ვიყო დაცული უკრაინის ხელისუფლებისგან", - განაცხადა სააკაშვილმა.

მისივე თქმით, ის უკრაინის ტერიტორიაზე ლეგალურად იმყოფება.

" ვაპირებ ბრძოლა სასამართლოში გავაგრძელო და ეს იქნება ჩემი სარჩელი უკრაინის ხელისუფლების წინააღმდეგ. ვერ ვხვდები რა საჭირო იყო გუშინდელი ისტერიკა. მინდოდა ყველა შესაბამისი პროცედურა კანონიერად გამევლო, მაგრამ ამის საშუალება გუშინ არ მომცეს", - აღნიშნა ოდესის ყოფილმა გუბერნატორმა.

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს