7-8 სექტემბერს საქართველოს ვიცე-პრემიერი, საგარეო საქმეთა მინისტრი ესტონეთს ეწვევა.

საგარეო უწყების ინფორმაციით, მიხეილ ჯანელიძე ევროკავშირის საბჭოს თავმჯდომარე ქვეყნის ესტონეთის ინიციატივითა და ორგანიზებით გამართულ ევროკავშირის წევრი სახელმწიფოებისა და „აღმოსავლეთ პარტნიორობის" ქვეყნების საგარეო საქმეთა მინისტრების არაფორმალურ სამუშაო შეხვედრაში მიიღებს მონაწილეობას.

ღონისძიებაზე განიხილავენ  24 ნოემბერს ქ. ბრიუსელში დაგეგმილი „აღმოსავლეთ პარტნიორობის" სამიტთან დაკავშირებულ საკითხებსა და ევროკავშირსა და აღმოსავლეთ ევროპულ ქვეყნებს შორის თანამშრომლობას. ასევე შეეხებიან  უსაფრთხოების სფეროში „აღმოსავლეთ პარტნიორობის" ქვეყნების სტაბილურობის გაძლიერების, რაც ევროკავშირის საგარეო და უსაფრთხოების პოლიტიკის გლობალური სტრატეგიის ერთ-ერთ მნიშვნელოვან კომპონენტს წარმოადგენს.

ვიზიტის ფარგლებში დაგეგმილია საქართველოს, მოლდოვის და უკრაინის საგარეო საქმეთა მინისტრების სამმხრივი შეხვედრა.

მიხეილ ჯანელიძე ასევე ორმხრივ შეხვედრებს გამართავს  ევროკავშირის წევრი ქვეყნების კოლეგა მინისტრებთან.

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს