„ხელისუფლებას თუ სურს, რომ მხოლოდ მის მიერ ერთპიროვნულად მიღებულ გადაწყვეტილებაზე იმსჯელოს, ჩვენ მოლაპარაკების მაგიდაზე არ დავრჩებით“,-ამის შესახებ „თავისუფალი დემოკრატების თავმჯდომარემ შალვა შავგულიძემ ჟურნალისტებს პარლამენტში განუცხადა.

„სრულად საარჩევნო პროპორციულ სისტემაზე თუ არის მსჯელობა, ასეთ შემთხვევაში ჩვენ ვსხდებით მაგიდასთან და ამ სისტემის ცალკეულ კომპონენტებთან დაკავშირებით მზად ვართ მოლაპარაკებისთვის. თუ ხელისუფლებას სურს, რომ იმსჯელოს მხოლოდ მის მიერ ერთპიროვნულად მიღებული გადაწყვეტილების ირგვლივ ანუ  რომ საარჩევნო სისტემა უნდა შენარჩუნდეს მაჟორიტარულ-პროპორციული, ამ შემთხვევაში  ეს არის მისი კონსტიტუცია,  ეს არის მხოლოდ მისი იდეა, ამაზე არსად არავის არც კი უმსჯელია.   შესაბამისად აქ მოლაპარაკებების მაგიდაზე ჩვენ არ დავრჩებით“,-განაცხადა შავგულიძემ.

ცნობისთვის, პარლამენტში საკონსტიუციო ცვლილებებთან დაკავშირებით  უმრავლესობასა და ოპოზიციას შორის შეხვედრა მიმდინარეობს.

შეხვედრას  უმრავლესობის ლიდერი არჩილ თალაკვაძე  უძღვება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს