რუსეთის პროკურატურამ უკრაინელ პილოტს ნადეჟდა სავჩენკოს ბრალი საბოლოო ფორმულირებით წაუყენა.
ფედერაციის საგამოძიებო უწყების ინფორმაციით, სავჩენკოს კიდევ ერთი ბრალდება დაემატა. მას ორი რუსი ჟურნალისტის  მკვლელობის ხელშეწყობასთან ერთად რუსეთის საზღვრის უკანონო გადაკვეთაში ედება ბრალი.
მათი ცნობით, უკრაინელი სამხედრო მოსამსახურის დანაშაულზე მისივე ჩანაწერები, ბალისტიკური ექსპერტიზა და ფოტო-ვიდეო მასალები მოწმობს.
რუსული გამოძიების მტკიცებით, 2014 წლის ივნისში ლუგანსკში მიმდინარე საბრძოლო მოქმედებების დროს სავჩენკომ რუსი ჟურნალისტების ადგილსამყოფელის შესახებ კოორდინატები უკრაინელ სამხედროებს გადასცა, რასაც მათი საარტილერიო შეტევა მოჰყვა. იერიშის შედეგად ორი რუსი კორესპონდენტი დაიღუპა.
დაცვის მხარე კი აცხადებს, რომ სავჩენკო უკრაინის ტერიტორიაზე უკანონოდ დააკავეს, შემდეგ კი რუსეთში გადაიყვანეს.
ნადეჟდა სავჩენკო პატიმრობაში 2014 წლის ივლისიდან იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს