პოლონეთის საგარეო საქმეთა სამინისტრო 8 აგვისტოს ომთან დაკავშირებით განცხადებას ავრცელებს.

როგორც უწყების განცხადებაშია ნათქვამი, პოლონეთი აკვირდება აფხაზეთსა და ე.წ. სამხრეთ ოსეთში განვითარებულ მოვლენებს და საქართველოს მტკიცე მხარდაჭერას კიდევ ერთხელ ადასტურებს.

"ჩვენ სასტიკად ვეწინააღმდეგებით მილიტარიზაციასა და ე.წ. ბორდერიზაციას საქართველოს ოკუპირებულ ტერიტორიებზე, რომელიც რუსეთის აქტიური ჩართულობით ხორციელდება. შეშფოთებით აღვნიშნავთ, რომ ოკუპირებულ რეგიონებში მცხოვრები მოსახლეობის ეკონომიკური, ჰუმანიტარული და სოციალური მდგომარეობა უარესდება და ამაზე რუსეთი და დე-ფაქტო ხელისუფლებები არიან პასუხისმგებელნი. მოვუწოდებთ, რომ დასრულდეს ადამიანის უფლებების დარღვევა, რადგან შექმნილი ვითარება არაკანონიერია, ქართველების დისკრიმინაციას ემსახურება და მოსახლეობას თავისუფლად გადაადგილების შესაძლებლობას არ აძლევს", - ნათქვამია განცხადებაში.

პოლონეთის საგარეო საქმეთა სამინისტრო კიდევ ერთხელ ადასტურებს საქართველოს მტკიცე მხარდაჭერას.

განცხადების თანახმად, საგარეო უწყება არ აღიარებს ოკუპირებულ რეგიონებს დამოუკიდებელ სახელმწიფოებად.

"ნებისმიერი ნაბიჯი, რომელსაც რუსეთი და დე-ფაქტო ხელისუფლებები გადადგამენ არალეგიტიმურია და საერთაშორისო სამართლის ნორმებს ეწინააღმდეგება. კიდევ ერთხელ მოვუწოდებთ რუსეთს, თავი შეიკავოს პროვოკაციული ნაბიჯებისგან და შეასრულოს ჟენევის მოლაპარაკებების პირობები", - აღნიშნულია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს