შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის შეფასებით, ვლადიმერ პუტინის მოსალოდნელი ვიზიტი ოკუპირებული აფხაზეთის ტერიტორიაზე და თარიღი, რომელიც ამ ვიზიტისთვისაა შერჩეული, შემთხვევითი არ არის.

ციხელაშვილის თქმით, 8 აგვისტოს  საქართველოში რუსეთის აგრესიისა და საქართველოს ტერიტორიების ღია ოკუპაციის 9 წლისთავია.

სახელმწიფო მინისტრი ამ ფაქტს  ოკუპაციის პოლიტიკის გაგრძელებად აფასებს.

ციხელაშვილის განმარტებით,  ესაა განაცხადი, რომ საქართველოს ტერიტორიები ოკუპირებულია რუსეთის მიერ.

„ალბათ, ეს არის მცდელობა, კიდევ უფრო მეტად განმტკიცდეს რუსეთის ექსკლუზიური გავლენა, რომელიც მან დაამყარა 2008 წელს საქართველოს 2 რეგიონზე. ჩვენ არ შევეგუებით ოკუპაციის ფაქტს აფხაზეთისა და ცხინვალის რეგიონის. ასეთია არა მხოლოდ საქართველოს ხელისუფლების და ქართული საზოგადოების, არამედ საერთაშორისო თანამეგობრობის პოზიციაც. ჩვენ გვაქვს სრული მხარდაჭერა პარტნიორების მხრიდან და სწორედ აშშ-ს ვიცე-პრეზიდენტის ვიზიტისას, გაჟღერებული იყო  ძალიან მკაფიო გზავნილები საქართველოს ტერიტორიული მთლიანობის და სუვერენიტეტის მხარდასაჭერად. ასევე პოზიცია, რომ აშშ-ს მხრიდან იქნება ძლიან მკაცრი პასუხი ქვეყნების მიმართ, ვისაც ექნება მცდელობა, ხელყოს  საქართველოს ტერიტორიული მთლიანობა და სუვერენიტეტი. ჩვენ არაფრით არ უნდა დავუშვათ პროვოკაციებზე წამოგება, რადგან ჩვენი ქვეყნისთვის მშვიდობა არის სასიცოცხლოდ მნიშვნელოვანი“,-განაცხადა ქეთევან ციხელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა