2017-08-03 09:22:03, 797 ნახვა
რეგიონი
ოკუპირებული სამხრეთ ოსეთის დე ფაქტო ხელისუფლება დღეიდან სოფელ არცევთან ხნულის გავლებას გეგმავს
ოკუპირებული სამხრეთ ოსეთის დე ფაქტო ხელისუფლება სოფელ არცევთან დღეიდან ხნულის გავლებას გეგმავს.
ე.წ. სასაზღვრო სამსახურის ინფორმაციით, მორიგი საინჟინრო სამუშაოები 18 აგვისტომდე გაგრძელდება.
„სამხრეთ ოსეთის სახელმწიფო უშიშროების კომიტეტის სასაზღვრო სამსახური ხანძარსაწინააღმდეგო ზოლის აღდგენის მიზნით, საქართველოსთან სახელმწიფო საზღვარზე ორი კვირის განმავლობაში საინჟინრო სამუშაოებს ჩაატარებს“, - აღნიშნულია განცხადებაში.
მათივე თქმით, სამუშაოები პროფილაქტიკური ხასიათისაა და რეგიონში ხანძრებთან დაკავშირებით არასასურველი პროგნოზის გამო ტარდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
