ადვოკატის ინფორმაციით, ოხანაშვილმა დაადასტურა, რომ პატრიარქს ჰქონდა სურვილი, დეკანოზის გათავისუფლებასთან დაკავშირებით ეშუამდგომლა

2017-07-25 17:57:42, 2419 ნახვა

სამართალი

მამა გიორგი მამალაძის ადვოკატის პაატა მეხრიშვილის განცხადებით, პატრიარქის დაცვის ყოფილმა უფროსმა ჩვენებით დაადასტურა, რომ პატრიარქს ჰქონდა სურვილი ეშუამდგომლა სახელმწიფოსთან დეკანოზის გათავისუფლებასთან დაკავშირებით, თუმცა გარკვეულმა სასულიერო პირებმა გადააფიქრებინეს.

კერძოდ, მეხრიშვილის განმარტებით, მეუფე იაკობმა და სხვა მეუფეებმა პატრიარქს უთხრეს, რომ გიორგი მამალაძისთვის უკეთესი იქნებოდა ციხეში ყოფილიყო, რადგან გარეთ მის სიცოცხლესა და ჯანმრთელობას შესაძლოა საფრთხე შექმნოდა.

„მოწმემ თქვა, რომ პატრიარქი დაარწმუნეს გამოძიების ინტერესებიდან გამომდინარე უკეთესი იქნებოდა გიორგი მამალაძე ციხეში მჯდარიყო გამოძიების მიმდინარეობის და საქმის განხილვის დროს. ამის შემდეგ შეიცვალა პატრიარქმა პოზიცია და აღარც ციხეში შესულა. ეს ოხანაშვილმა დაადასტურა“,-აღნიშნა მეხრიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან