2017-07-21 11:21:09, 2344 ნახვა
კომენტარი
თურქეთში საქართველოში ელჩი: მიწისძვრის შედეგად საქართველოს მოქალაქეები არ დაშავებულან
თურქეთში საქართველოს ელჩის ირაკლი კოპლატაძის ინფორმაციით, ეგეოსის ზღვაში მომხდარი მიწისძვრის შედეგად საქართველოს მოქალაქეები არ დაშავებულან.
როგორც ელჩმა ჟურნალისტებს განუცხადა, ცხელ ხაზზე ქართველი ტურისტების ზარები ფიქსირდებოდა, რაც მისი თქმით, პანიკასთან იყო დაკავშირებული.
„ღამის განმავლობაში საქართველოს მოქალაქეების მხრიდან ცხელ ხაზზე იყო შემოსული ზარები. ძირითადად, შიშის მომენტიდან გამომდინარე. მიწისძვრის შედეგად საქართველოს მოქალაქეები არ დაშავებულან“,-აღნიშნა ელჩმა.
ცნობისთვის, ძლიერი მიწისძვრის გამო, კურორტ ბოდრუმზე და კოსაზე სასტუმროების ნაწილი დაინგრა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
