სტამბოლში მრავალათასიანი ანტისახელისუფლებო საპროტესტო აქცია გაიმართა, - ამის შესახებ BBC იუწყება.

მედია საშუალების ინფორმაციით, აქციაში მონაწილეობა ათობით ათასმა ადამიანმა მიიღო. დემონსტრაციას წინ „სამართლიანობის მარში“ უძღოდა, რომელიც 15 ივნისს ანკარიდან დაიწყო და სტამბოლში მსვლელობით დასრულდა. 

აქციის მონაწილეები მასობრივ დათხოვნებსა და დაპატიმრებებს აპროტესტებენ, რომელიც გასული წლის სამხედრო გადატრიალების მცდელობის შემდეგ თურქეთის მასშტაბით მიმდინარეობს. 

ქვეყნის პრეზიდენტმა რეჯეპ ტაიფ ერდოღანმა აქციის მონაწილეები ტერორიზმთან კავშირში დაადანაშაულა. ამასთან, მისივე თქმით, აქციის ორგანიზატორები, სახალხო-რესპუბლიკური პარტია, ოპოზიციური პარტიის საქმიანობის ჩარჩოებს გასცდა და საქმიანობას ტერორისტულ დაჯგუფებეთან ერთობლივად  აწარმოებს. 

შეგახსენებთ, რომ გასული წლის ივლისში თურქეთში სამხედრო გადატრიალების მცდელობა მოხდა, რის შედეგადაც 200-ზე მეტი ადამიანი დაიღუპა, ასობით კი დაშავდა. ამასთან, თურქეთის პრეზიდენტის განკარგულებით ქვეყნის მასშტაბით 50 ათასზე მეტი ადამიანი დააკავეს, ხოლო 140 ათასზე მეტი სამსახურიდან გაათავისუფლეს. დაკავებულთა შორის არიან ჟურნალისტები და არასამთავრობო ორგანიზაციის ხელმძღვანელები. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა