„არჩევნების გაყალბება, ადმინისტრაციული რესურსის გამოყენება 2012 წელს დამთავრდა, მას შემდეგ მსგავსი რამ არ ყოფილა და არც მომავალში მოხდება”,-ამის შესახებ  საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა განაცხადა.

რაც შეეხება საარჩევნო პერიოდში მომხდარ ინციდენტებს, მინისტრის თქმით, მსგავსი შემთხვევები ყველა ქვეყანაში ხდება და მთავარია, რომ მათ სათანადო პასუხი გაეცა:

„ სტანდარტი, რომელიც შეიქმნა არის უაღრესად მაღალი, ვიდრე ოდესმე ყოფილა, მიუხედავად ზოგიერთი ოპოზიციური პარტიის განცხადებებისა, მთლიანობაში შემიძლია ვთქვა, რომ ყველა საერთაშორისო ორგანიზაციის დასკვნა, ყველა არასამთავრობო ორგანიზაციის დასკვნა იმაზე მეტყველებს, რომ არჩევნები იყო ყოველთვის ნათელი, გამჭვირვალე, სამართლიანი, იყო ინციდენტები, რაც ხდება არა მარტო ჩვენთან, არამედ ყველა ქვეყანაში. ამ ინციდენტებზე ყოველთვის გაეცა ძალიან მკაცრი, სათანადო პასუხი და გათვალისწინებული იქნება, რომ მომავალში ეს არ მოხდეს . ამის ნათელი მაგალითი იქნება არჩევნები, რომელიც ოქტომბერში გველოდება”,-აღნიშნა სუბარმა.

ადგილობრივი თვითმმართველობის არჩევნები ოქტომბრის მესამე კვირის ბოლოს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა