ჯანდაცვის მინისტრის დავით სერგეენკოს განცხადებით, მთავრობა ნამდვილად  მზადაა, ადგილობრივი თვითმმართველობის არჩევნები გამჭვირვალე და კონკურენტულ გარემოში ჩაატაროს.

მისივე თქმით, კახი კალაძეს პირადად მხარს უჭერს და მის გამარჯვებაში ეჭვი არ ეპარება:

„რაც შეეხება ჩემს შეხედულებას კახიზე, მართლაც იშვიათად მინახავს ადამიანი, რომელიც ასე შედეგზე ორიენტირებულია თავის მუშაობაში. კახი კალაძე მართლა წარმატებული იქნება.  მე მჯერა, რომ ის გაიმარჯვებს. პრემიერმა თქვა, რომ არჩევნები იქნება გამჭვირვალე და ამ პირობებში მას  კონკურენტი არ ეყოლება, ანუ  მის გამარჯვებაში დარწმუნებულია“,-აღნიშნა სერგეენკომ.

შეგახსენებთ,  საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე კახი კალაძეს გაწეული საქმიანობისთვის მადლობა გადაუხადა. კალაძე მინისტრის რანგში სხდომას ბოლოჯერ ესწრება.

კვირიკაშვილი დარწმუნებულია, რომ მას არჩევნებში კონკურენტი არ ჰყავს და ის აუცილებლად გაიმარჯვებს. კახი კალაძე „ქართული ოცნების“ გუნდმა თბილისის მერობის კანდიდატად წარადგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა