იაპონიაში საქართველოს სახელი „გურუჯია“-ს მაგივრად ოფიციალურად „ჯორჯია“ გახდა

2015-04-21 17:08:27, 397 ნახვა

პოლიტიკა

იაპონიაში ხვალიდან საქართველოს ოფიციალური სახელწოდება „ჯორჯია“ (jyo-ji-a) იქნება.

როგორც "ექსპრესნიუსს" საქართველოს საგარეო უწყებიდან აცნობეს, იაპონიის პარლამენტის წარმომადგენელთა (ქვედა) პალატამ მ.წ. 14 აპრილს დაამტკიცა საკანონმდებლო ცვლილება, რომლის თანახმადაც საქართველოს ოფიციალური დასახელება იაპონურად „გურუჯია“-ს მაგივრად „ჯორჯია“-თი შეიცვალა.

ცნობისთვის, 2009 წელს ქართული მხარის თხოვნის საფუძველზე, აღნიშნული გადაწყვეტილება იაპონიის აღმასრულებელმა ხელისუფლებამ 2014 წლის შემოდგომაზე მიიღო და ცვლილება დასამტკიცებლად იაპონიის საკანონმდებლო ორგანოში გადაიგზავნა.

იაპონიის პრემიერ-მინისტრმა, შინძო აბემ გადაწყვეტილება პირველად იაპონიაში საქართველოს პრეზიდენტის, გიორგი მარგველაშვილის ოფიციალური ვიზიტის ფარგლებში გამართულ ორმხრივ შეხვედრაზე გაახმოვანა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან