ფრაქცია „ქართული ოცნების“ თავმჯდომარის მამუკა მდინარაძის განცხადებით, მისთვის უცნობია დაესწრება თუ არა კახი კალაძის ოფიციალურ წარდგენას საქართველოს ყოფილი პრემიერ-მინისტრი ბიძინა ივანიშვილი.

მდინარაძის თქმით, თუ ყოფილი პრემიერი საარჩევნო კამპანიაში ჩაერთვება, ეს გუნდისთვის პოზიტივის მომტანი იქნება.

„ბატონი ბიძინა, ბუნებრივია დღევანდელ ღონისძიებაზე უნდა იყოს მოწვეული. ნამდვილად არ მაქვს ინფორმაცია დაესწრება თუ არა დღევანდელ წარდგენას მთაწმინდის პარკში. რაც შეეხება მის ჩართვას საარჩევნო კამპანიაში, ის მასში არ ჩაერთვება, თუმცა თუ ჩაერთვება, ბუნებრივია ეს გუნდს მხოლოდ პოზიტივს მოუტანს“, - აღნიშნა პოლიტიკოსმა.

ცნობისთვის, პრემიერ-მინისტრი, "ქართული ოცნების" თავმჯდომარე გიორგი კვირიკაშვილი, თბილისის მერობის კანდიდატად კახა კალაძეს დღეს, 20:00 საათზე, მთაწმინდის პარკში ოფიციალურად წარადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა

Reuters: ტრამპმა ნატოს ლიდერებს განუცხადა, რომ აშშ ალიანსში დარჩენას აპირებს