ჩეხეთის თავდაცვის მინისტრმა გმირთა მემორიალი გვირგვინით შეამკო

2017-06-22 16:06:12, 959 ნახვა

სამხედრო

საქართველოში პირველი ოფიციალური ვიზიტით ჩეხეთის რესპუბლიკის თავდაცვის მინისტრი მარტინ სტროპნიცკი იმყოფება.

თავდაცვის სამინისტროში ქართველ კოლეგასთან შეხვედრამდე, ჩეხეთის რესპუბლიკის თავდაცვის მინისტრი გმირთა მოედანზე იმყოფებოდა.

მარტინ სტროპნიცკიმ წუთიერი დუმილით პატივი მიაგო დაღუპული სამხედროების ხსოვნას და მემორიალი გვირგვინით შეამკო. ეროვნული გვარდიის სამხედრო ორკესტრის მიერ ჩეხეთისა და საქართველოს სახელმწიფო ჰიმნები შესრულდა.

დაღუპულ გმირთა ხსოვნას პატივი მიაგეს საქართველოს შეიარაღებული ძალების გენერალური შტაბის უფროსის მოადგილემ, ბრიგადის გენერალმა შალვა ჯაბახიძემ, ჩეხეთის რესპუბლიკის დელეგაციის წევრებმა და გენერალური შტაბის წარმომადგენლებმა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან