საპარლამენტო უმრავლესობის წევრის ანრი ოხანაშვილის განცხადებით, კონსტიტუციის ახალი რედაქცია საქართველოს გრძელვადიან განვითარებას  ხელს შეუწყობს.

მან პარლამენტის რიგგარეშე სხდომაზე, სადაც კონსტიტუციურ ცვლილებებს პირველი მოსმენით განიხილავენ, განაცხადა, რომ  „ქართული ოცნების“ გუნდი დემოკრატიულ ღირებულებებზე დაფუძნებულ კონსტიტუციას ქმნის.

ამასთან, ანრი ოხანაშვილმა უპასუხა „ევროპული საქართველოს“ წევრ ზურაბ ჭიაბერაშვილს, რომელმაც განაცხადა,  რომ უმრავლესობაც არ ეთანხმება ირაკლი კობახიძეს რიგ საკითხებთან დაკავშირებით. ოხანაშვილის მტკიცებით, საპარლამენტო უმრავლესობა  კონსტიტუციურ პროექტს მხარს ერთსულოვნად უჭერს:

„დარწმუნებული ვარ, ეს არის კონსტიტუციის ის პროექტი, რომელიც ხელს შეუწყობს ჩვენი ქვეყნის გრძელვადიან, დემოკრატიულ განვითარებას. ამ პროცესის ძალიან კარგად წარმართვაში ლომის წვლილი მიუძღვის ბატონ ირაკლი კობახიძეს და კომისიის თითოეულ წევრს, რომლებმაც ძალიან დიდი შრომა გასწიეს. ბატონი ზურაბ ჭიაბერაშვილი საუბრობდა უმრავლესობის სახელით, თითქოსდა თქვენი კოლეგები არ გეთანხმებიან რაღაც საკითხებშიო. ჯერ ერთი, ბატონო, ზურაბ, ვინ მოგცათ თქვენ უმრავლესობის სახელით საუბრის უფლება, თქვენ ამის უფლება არ გაგაჩნიათ იმიტომ, რომ ჩვენ ვართ ერთსულოვანი, ძლიერი გუნდი, რომელიც ერთსულოვნად ვუჭერთ მხარს ამ კონსტიტუციის პროექტს. ეს თქვენი მმართველობის პერიოდში იყო მიუღებელი ჯანსაღი აზრი და კრიტიკა, როდესაც თუ ვინმე გამოთქვამდა აზრს კრიტიკულს, თუნდაც ობიექტურს და ჯანსაღს, მომდევნო დღეს ან აპატიმრებდნენ, ან საკუთრებას ართმევდნენ და ა.შ. ამიტომ, თქვენ უფლება არ გაქვთ, ისაუბროთ ამ ტონალობაში და მითუმეტეს, უმრავლესობის სახელით. ეს არის ძალიან მნიშვნელოვანი პროცესი და ჩვენ ვქმნით ისტორიას, როდესაც რამდენიმე წლის შემდეგ, ჩვენი ქვეყნის პოლიტიკურ და სამართლებრივ ცხოვრებაში აღინიშნება ხაზგასმით, რომ ეს იყო „ქართული ოცნების“ ის გუნდი,  მე-9 მოწვევის პარლამენტი, რომელმაც გადადგა უმნიშვნელოვანესი ნაბიჯები კონსტიტუციის გაუმჯობესების კუთხით და შექმნა ნამდვილად დემოკრატიულ ღირებულებებზე დაფუძნებული კონსტიტუცია, რომელიც ემსახურება ჩვენი საზოგადოების კეთილდღეობას“,-განაცხადა ანრი ოხანაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, საქართველოს ნაკრები ინფორმატიკის ევროპის ახალგაზრდულ ოლიმპიადაზე გაემგზავრება

მიხეილ ყაველაშვილი – ჩვენმა საპარლამენტო დელეგაციამ ჯო უილსონს სათანადო პასუხი გასცა

სააკაშვილი: „რეფორმატორთა საბჭოს“ შექმნა ხელს შეუწყობს „ნაციონალური მოძრაობის“ განახლებას

საქართველოს დელეგაციამ პროტესტის ნიშნად ჰააგის დეკლარაციის კენჭისყრის დარბაზი დატოვა