პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა უცხოური ინვესტიციით შექმნილი სხივური მედიცინის ცენტრის ოფიციალურ გახსნაში მიიღო მონაწილეობა. 

მან დაათვალიერა უახლესი სამედიცინო აპარატურით აღჭურვილი კლინიკა, რომელსაც ერთდროულად 150-მდე პაციენტის მომსახურება შეუძლია. 

ჰოსპიტალის საინვესტიციო ღირებულება 25 მლნ ლარია. კლინიკაში 30 ადამიანი დასაქმდება. ცენტრში დანერგილი აპარატურა საშუალებას იძლევა, ადრეულ სტადიაზე მოხდეს სიმსივნის დიაგნოსტიკა და მისი მაღალეფექტური მკურნალობა.  

პირველი ვიცე-პრემიერის დიმიტრი ქუმსიშვილის განცხადებით, საზღვარგარეთის კლინიკებში აღნიშნული მომსახურებით საქართველოდან ძალიან ბევრი ადამიანი სარგებლობს.  

„დღეიდან შესაძლებელია, რომ ეს მომსახურება მათ გაეწიოთ ჩვენს ქვეყანაში,“  - განაცხადა დიმიტრი ქუმსიშვილმა და აღნიშნა, რომ ახლადგახსნილი კლინიკა საქართველოში ახალი სამუშაო ადგილებისა და დამატებული ღირებულების შექმნის შესაძლებლობას იძლევა.

კლინიკის გახსნას დაესწრნენ საქართველოს მთავრობის, დიპლომატიური კორპუსის, ბიზნესისა და სამეცნიერო წრეების წარმომადგენლები. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს