„ჩემი მთავრობა ტერორიზმისა და ექსტრემიზმის ნებისმიერ გამოვლინებას ებრძვის“, - ასე გამოეხმაურა საქართველოში ამერიკის შეერთებული შტატების ელჩი იან კელი პოლკოვნიკ ტრისტან წითელაშვილის ბრალდებას, რომ მას ტერორისტებთან აქვს კონტაქტი.

„მოხარული ვარ, რომ მომეცა შესაძლებლობა უსაფუძვლო ბრალდებას ვუპასუხო. მე პანკისის ხეობაში მხოლოდ ერთხელ ვარ ნამყოფი, პრეზიდენტ მარგველაშვილთან ერთად. ქალაქში სულ ნახევარი საათით ვიმყოფებოდით, ეს რამდენიმე წლის წინ იყო. მე საქმიანობის სრული გამჭვირვალობის მჯერა, ვფიქრობ, მთავრობაც ასე უნდა მოქმედებდეს. ყველაფერი რასაც ვაკეთებ საჯაროა და შუქდება. მე მხარს ვუჭერ საქართველოს რეფორმების პროცესს, საქართველოს ევროატლანტიკურ მისწრაფებებს და განვითარებას. ზოგადად, ჩემი მთავრობა ტერორიზმისა და ექსტრემიზმის ნებისმიერ გამოვლინებას ებრძვის”, - განაცხადა კელიმ.

შეგახსენებთ გუშინ, თავდაცვის სამინისტროს ყოფილმა თანამშრომელმა, ტრისტან წითელაშვილმა თსუ-ში გამართულ ღონისძიებაზე განაცხადა, რომ აშშ-ის ელჩი საქართველოს შიდა საქმეებში უხეშად ერევა და პანკისის ხეობაში, სირიიდან დაბრუნებულ ტერორისტებს შეხვდა: ”საქართველოს მთავრობა დღეს ამერიკის საელჩოს და ამერიკის ელჩის მძევალია. ელჩმა იმ დონეზე ითავხედა, რომ პანკისის ხეობაში ავიდა და სირიიდან დაბრუნებულ ”ისლამური სახელმწიფოს” მებრძოლ ტერორისტებს შეხვდა", - აღნიშნა წითელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.