სახელმწიფო უსაფრთხოების სამსახურის შეფასებით, ე.წ. პროკურატურის გადაწყვეტლება გიგა ოთხოზორიას მკვლელობაში მსჯავრდებულის წინააღმდეგ  "სისხლის სამართლებრივი დევნის“ შეწყვეტის თაობაზე,  უკიდურესად ნეგატიური და ცალსახად ცინიკურია.

„სახელმწიფო უსაფრთხოების სამსახური გამოიყენებს ყველა შესაძლო ბერკეტს, რათა გიგა ოთხოზორიას მკვლელობაში მსჯავრდებული რაშიდ კანჯი ოღლი წარსდგეს ქართული მართლმსაჯულების წინაშე“,-აცხადებენ სუს-ში.

შეგახსენებთ, გიგა ოთხოზორიას მკვლელობაში მსჯავრდებულის წინააღმდეგ  ე.წ. პროკურატურამ "სისხლის სამართლებრივი დევნა" შეწყვიტა. ამის შესახებ დე ფაქტო ხელისუფლების წარმომადგენლებმა გალში  ინციდენტების პრევენციისა და მათზე რეაგირების მექანიზმის შეხვედრაზე საქართველოს ცენტრალური ხელისუფლების წარმომადგენლებს განუცხადეს.

კერძოდ, სუს-ის ინფორმაციით,  გალში  ინციდენტების პრევენციისა და მათზე რეაგირების მექანიზმის რიგით 46-ე შეხვედრაზე  საქართველოს ცენტრალური ხელისუფლების წარმომადგენლებმა შეხვედრის მონაწილეებთან საოკუპაციო ხაზსა და მის მიმდებარე ტერიტორიაზე ბოლო ერთი თვის განმავლობაში დაფიქსირებული მნიშვნელოვანი ინციდენტები განიხილეს. ასევე, შეხვედრაზე განსაკუთრებული ყურადღება დაეთმო მიმდინარე წლის 2016 წლის 19 მაისს საქართველოს მოქალაქე გიგა ოთხოზორიას მკვლელობის ფაქტს. მონაწილეებთან ცენტრალური მთავრობის წარმომადგენლებმა დააფიქსირეს, რომ  აუციელებელია მკვლელობაში მსჯავრდებული რაშიდ კანი ოღლის დაკავება, რაზედაც დე ფაქტო ხელისუფლების წარმომადგენლებმა განაცხადეს, რომ  მის  წინააღმდეგ  ე.წ. პროკურატურამ "სისხლის სამართლებრივი დევნა" შეწყვიტა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს