დიდი ბრიტანეთის პრემიერ-მინისტრის ტერეზა მეის ინფორმაციით, უსაფრთხოების სამსახურის თანამშრომლები დარწმუნებული არიან, რომ თავდამსხმელი მარტო მოქმედებდა, - ამის შესახებ BBC იუწყება.

როგორც ტერეზა მეიმ დღეს საგანგებო ბრიფინგზე აღნიშნა, სამართალდამცველები იკვლევენ, ვისი სახელით მოქმედებდა დამნაშავე. 

"სამართალდამცავები მუშაობენ მომხდარის სრული სურათის გასარკვევად, რა მოხდა რეალურად მანჩესტერ არენასთან. ტერორისტმა გამიზნულად შეარჩია კონცერტის დასრულების დრო, რათა მაქსიმალურად მეტი ადამიანი დახოცილიყო. გარდაიცვალა 22 ადამიანი და დაიჭრა 59, გარდა ამისა სიცოცხლისათვის საშიში ჭრილობები მიიღო ბევრმა ადამიანმა და ისინი, ამ დრომდე, აგრძელებენ მკურნალობას. გარდაცვლილთა შორის არიან ბავშვები და ახალგაზრდები“, -განაცხადა ტერეზა მეიმ. 

ბრიტანეთის პრემიერ-მინისტრი მოქალაქეებს მოუწოდებს, პოლიციასთან ითანამშრომლონ.

მისი თქმით, ტერორიზმის საფრთხე ისევ მაღალია. 

შეგახსენებთ, რომ ქალაქ მანშესტერში ტერაქტი მოხდა, რის შედეგადაც 22 ადამიანი დაიღუპა, 59 კი დაშავდა. აფეთქება პოპ მომღერალის არიანა გრანდეს კონცერტის დასრულების შემდეგ მოხდა, თვითონ მომღერალი კი არ დაშავებულა. პასუხისმგებლობა მომხდარზე ჯერჯერობით არც ერთ ტერორისტულ დაჯგუფებას არ აუღია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”