2017-05-03 11:23:33, 2198 ნახვა
მსოფლიო
ქაბულში თვითმკვლელმა ტერორისტმა ნატო-ს კოლონასთან თავი აიფეთქა - დაიღუპა 8, დაშავდა კი, 25 ადამიანი
ავღანეთის დედაქალაქ ქაბულში თვითმკვლელმა ტერორისტმა ნატო-ს სამხედრო კოლონისთან თავი აიფეთქა, - ამის შესახებ BBC იუწყება.
მედია საშუალების ინფორმაციით, აფეთქების შედეგად სულ მცირე 8 ადამიანი დაიღუპა, ხოლო 25 ადამიანი დაშავდა, აქედან 3 ამერიკელი სამხედრო მძიმედ დაშავდა.
როგორც ნატო-ს მისიის კაპიტანმა ბილ სალვინმა აღნიშნა, კოლონის ნაწილმა თავდასხმის შემდეგ ბაზაზე დაბრუნება შეძლო.
France Press-ის ცნობით, აფეთქება ქაბულში მდებარე ამერიკის შეერთებული შტატების საელჩოსთან, პიკი საათის დროს მოხდა.
აფეთქებაზე პასუხისმგებლობა ჯერჯერობით არც ერთ ტერორისტულ დაჯგუფებას არ აუღია.
ცნობისთვის, აპრილის ბოლოს თალიბებმა მაზარი-შარიფის სამხედრო ბაზას თავს დაესხნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
