საქართველოს მთავრობის ადმინისტრაციაში უნგრეთის პრემიერ-მინისტრის ვიქტორ ორბანის დახვედრის ოფიციალური ცერემონია გაიმართა.

ცერემონიას საქართველოს მინისტრთა კაბინეტის და უნგრეთის დელეგაციის წევრები დაესწრნენ.

ამ წუთებში საქართველოს პრემიერ-მინისტრი გიორგი კვირიკაშვილი უნგრელ კოლეგას პირისპირ ხვდება.

ამასთან, გაიმართება გაფართოებული შეხვედრა უნგრეთისა და საქართველოს მთავრობის წევრების მონაწილეობით, რის შემდეგაც ორი ქვეყნის მთავრობებს შორის დოკუმენტი გაფორმდება.

საქართველოსა და უნგრეთის რესპუბლიკის პრემიერ-მინისტრები მედიისთვის ერთობლივ განცხადებებსაც გააკეთებენ, შემდეგ კი, საქართველო-უნგრეთის ბიზნესფორუმში მიიღებენ მონაწილეობას. ასევე, დაგეგმილია ვიქტორ ორბანის შეხვედრა საქართველოს პრეზიდენტთან და პარლამენტის თავმჯდომარესთან.

მთავრობის ადმინისტრაციაში მისვლამდე უნგრეთის პრემიერმა საქართველოს ერთიანობისთვის დაღუპულ გმირთა მემორიალი გვირგვინით შეამკო.

შეგახსენებთ, ვიქტორ ორბანი საქართველოს გუშინ ეწვია. ვიზიტი დღეს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

გაინტერესებს როგორ დააგროვო PLUS ქულები საქართველოს ბანკის ტერმინალით გადახდისას?

კაცს, რომელმაც რომელმაც ვერაზე 4 პირი დაჭრა, 20 წლამდე ან უვადო პატიმრობა ემუქრება

პროკურატურა ონისე ოქრიაშვილზე თავდამსხმელის 5 000-ლარიანი გირაოთი გათავისუფლებას მოითხოვს