"ალექსანდრე მარგიშვილი ხელმოცარული ჩინოვნიკია, რომელმაც ვერც ერთ დაწესებულებაში ფეხი ვერ მოიკიდა და თავი ვერაფერს გაართვა",-ამის შესახებ თბილისის საკრებულოს დამოუკიდებელმა დეპუტატმა ალეკო ელისაშვილმა საკრებულოში განაცხადა, სადაც თბილისის მერ დავით ნარმანიას უსმენენ.
ალეკო ელისაშვილს თბილისის მერთან კითხვები რამდენიმე საკითხზე ჰქონდა, მათ შორის ერთ-ერთი ალექსანდრე მარგიშვილის ახალ პოსტს ეხებოდა.
"ჯიხურებთან დაკავშირებით ბოდიშს ვიხდი, მაგრამ რა ჯიხურების ტენდერს აცხადებთ ყოვლად გაუგებარია. ძლივს ავიღეთ ეს ჯიხურები,  საშინელება,  რომლითაც მთელი ქალაქი იყო მოფენილი. სხვა ვერაფერი მოიფიქრეთ თბილისის მერიამ? მარგიშვილთან დაკავშირებით შეგიძლიათ ასევე მკაფიოდ გვითხრათ,  რატომ გაუშვით, თუ მან თავი ვერ გაართვა თავის მოვალეობას,  მაშინ 2 მლიონს რატომ აძლევთ რაღაც აბსურდულ დაწესებულებაში? ეს კაცი ხელმოცარული ჩინოვნიკია, რომელმაც ვერც ერთ დაწესებულებაში ფეხი ვერ მოიკიდა და თავი ვერაფერს გაართვა",-აღნიშნა ალეკო ელისაშვილმა.
შეგახსენებთ, ალექსანდრე მარგიშვილი თბილისის ვიცე-მერის თანამდებობას იკავებდა. მოგვიანებით ის, თბილისის  მეწარმეობის განვითარების  ცენტრის ხელმძღვანელად დაინიშნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა