მიხეილ ჯანელიძე თურქეთში მომხდარ ავარიას გამოეხმაურა

2017-04-10 12:16:16, 2326 ნახვა

კომენტარი

საქართველოს საგარეო საქმეთა მინისტრი მიხეილ ჯანელიძე თურქეთის ქალაქ რიზეში მომხდარ ავტოსაგზაო შემთხვევას გამოეხმაურა, რომლის შედეგადაც, საქართველოს ერთი მოქალაქე დაიღუპა და რამდენიმე დაშავდა.

ჯანელიძემ გარდაცვლილის ოჯახს და ახლობლებს მიუსამძიმრა, დაშავებულებს კი მალე გამოჯანმრთელება უსურვა:

,,ჩვენი საკონსულო პირველივე წუთებიდან მაქსიმალურად ჩართულია, ადგილზეა. ყოველგვარი დახმარება, რაც შესაძლებელია, განხორციელდება. ასევე აქტიურად გვიწევს დახმარებას თურქული მხარეც. ყველაფერი გაკეთდება იმისთვის, რომ მოხდეს შესაბამისი პრობლემების გადაჭრა”, - განუცხადა ჟურნალისტებს მიხეილ ჯანელიძემ.

თურქეთის ქალაქ რიზეში ავტოსაგზაო შემთხვევა მოხდა, რის შედეგადაც საქართველოს 1 მოქალაქე დაიღუპა, 5 კი დაშავდა

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან