აჭარის ავტონომიური რესპუბლიკის ჯანმრთელობისა და სოციალური დაცვის სამინისტროსა და ქალაქ ბათუმის თვითმმართველობას შორის ურთიერთთანამშრომლობის მემორანდუმი გაფორმდა.

ღონისძიება ბათუმის N30 საბავშვო ბაღში გაიმართა.

მემორანდუმს ხელი აჭარის ავტონომიური რესპუბლიკის ჯანმრთელობისა და სოციალური დაცვის მინისტრმა ზაალ მიქელაძემ და ქ ბათუმის მუნიციპალიტეტის მერმა გიორგი ერმაკოვმა მოაწერეს.

აჭარის ჯანდაცვის სამინისტროს ინფორმაციით, მემორანდუმი ითვალისწინებს ქალაქ ბათუმის ტერიტორიაზე არსებული საბავშვო ბაღების აღსაზრდელთა პროფილაქტიკურ შემოწმებას, ჰელმინთებზე ლაბორატორიულ კვლევას, საჭიროების შემთხვევაში სკრინინგის შემდგომ კონსულტაციას, ინსტრუმენტული და ლაბორატორიული გამოკვლევების ჩატარებას.

პროგრამით ისარგებლებენ ქალაქ ბათუმის ტერიტორიაზე არსებული საბავშვო ბაღების აღსაზრდელები (არანაკლებ 90%-ისა)6 რომლებსაც ჩაუტარდებათ პედიატრის, ოტოლარინგოლოგის, ენდოკრინოლოგის, ნევროლოგის კონსულტაციები, ჰელმინთებზე ლაბორატორიულ კვლევა. პირველადი დიაგნოზის დაზუსტების მიზნით, საჭიროების შემთხვევაში მთელი წლის განმავლობაში განხორციელდება რენტგენოლოგიური, ექოსკოპიური, ფარისებრი ჯირკვლის ჰორმონალური გამოკვლევა, ვიზომეტრია, ავტორეფრაქტომეტრია, ტონომეტრია, აუდიომეტრია და სხვა.

პროექტის განხორციელებაზე ვალდებულებას იღებს აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს კონტროლს დაქვემდებარებული საჯარო სამართლის იურიდიული პირი - სსიპ აჭარის ავტონომიური რესპუბლიკის საზოგადოებრივი ჯანდაცვის ცენტრი, ხოლო ქალაქ ბათუმის მუნიციპალიტეტეის მერია იღებს ვალდებულებას - ქ ბათუმის მერიის ააიპ „ბათუმის საბავშვო ბაღების გაერთიანების“ მეშვეობით ხელი შეუწყოს პროგრამით გათვალისწინებული ღონისძიებების შეუფერხებელ მიმდინარეობასა და ორგანიზება გაუწიოს ბაღის აღსაზრდელთა მობილიზაციას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა